Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 19:1-21

19  Upe rire ahendu oñeʼẽ hatãva yvágape, haʼete hetaiterei ánhel oñeʼẽva. Haʼekuéra heʼi: “¡Pemombaʼeguasúke Jehovápe*! Ñandejára osalva yvyporakuérape ha haʼe oreko tuicha podér ha tekomimbipa.  Haʼe oporohusga hekopete ha ikatu jajerovia umi mbaʼe odesidívare. Haʼe ohusgáma pe kuña rekovaípe, upe ombyai vaʼekue pe yvy hekovai* rupi; ha oñevengáma hese oñohẽ haguére hembiguaikuéra ruguy”.  Upepete heʼi jey hikuái: “¡Pemombaʼeguasúke Jehovápe*! Ha pe tatatĩ osẽva Babilóniagui ojehapývo chupe, osegi ojupi opa árare”.  Ha umi veinticuatro ansiáno* ha umi cuatro keruvín* oñesũ ha omombaʼeguasu Ñandejárape, haʼe oguapy hína pe trónope, ha heʼi hikuái: “¡Taupéicha*! ¡Pemombaʼeguasúke Jehovápe*!”.  Avei peteĩ ñeʼẽ oñehendu pe trónogui ha heʼi: “Pemombaʼeguasúke Ñandejárape, entéro peẽ hembiguaikuéra pekyhyjéva chugui, umi michĩva ha umi tuicháva”.  Ha ahendu oñeʼẽ hatãva yvágape, haʼete hetaiterei ánhel oñeʼẽva, haʼete avei y osyry hatãva ha arasunu tuichaicháva. Haʼekuéra heʼi: “Pemombaʼeguasúke Jehovápe*, Ñandejára Ipuʼakapáva Jehová* oñepyrũma rupi ogoverna.  Ñandepyʼarory ha javyʼaitereíkena, ha ñameʼẽ chupe tekomimbipa, og̃uahẽmagui pe Ovecharaʼy kasamiénto ha hembirekorã ojepreparáma omenda hag̃ua.  Si, chupe oñemeʼẽ permíso omonde hag̃ua ao de líno iporã, ipotĩ ha omimbipáva, pe líno iporãva orrepresenta rupi umi mbaʼe porã ojapóva umi imarangatúva”.  Ha haʼe heʼi chéve: “Ehai koʼã mbaʼe: Ovyʼaite umi oñeinvitáva pe karu guasu ojejapótavape pe Ovecharaʼy kasamientorã”. Ha heʼi avei chéve: “Koʼãva haʼe hína Ñandejára ñeʼẽ añetegua”. 10  Upévo añesũ henondépe amombaʼeguasu hag̃ua chupe. Péro haʼe heʼi chéve: “¡Aníke rejapo upéva! Che ningo peteĩ tembiguáinte avei, nde ha ne ermanokueraichagua, chupekuéra oñenkarga kuri oñeʼẽ vaʼerãha Jesús rehe. Emombaʼeguasu Ñandejárape añoite, entéro umi profesía* oĩgui oñeñeʼẽ hag̃ua Jesús rehe”. 11  Ha ahecha pe yvága ojavriha ha ¡péina!, peteĩ kavaju morotĩ. Ha pe oguapýva hiʼári héra Jeroviaha ha Añeteguáva, ha haʼe oporohusga ha oñorairõ tekojojápe. 12  Umi hesa haʼete tatarendy ha iñakãre oreko heta koróna. Haʼe oreko peteĩ téra avave oikuaaʼỹva, haʼe añoite oikuaa. 13  Haʼe omonde peteĩ ao joʼaha ojehypýiva tuguýpe, ha oñembohéra chupe: Ñandejára Ñeʼẽ. 14  Avei umi ehérsito yvagapegua oho hapykuéri kavaju morotĩ ári, ha haʼekuéra omonde ao de líno iporã, ipotĩ ha morotĩva. 15  Ijurúgui osẽ peteĩ espáda ipukúva ha hakuáva, haʼe oikutu hag̃ua umi tetãnguérape upe espádape. Ha haʼe ogovernáta chupekuéra vastón de iérro reheve. Avei haʼe opyrũ umi parrál rehe pe yvykua oñeñamiháme parrál rykue, orrepresentáva Ñandejára Ipuʼakapáva pochy rendy. 16  Ha ijao joʼaháre, si, hetymáre ojehai peteĩ téra: Rréi omandáva entéro rréire ha mburuvichakuéra Ruvicha. 17  Avei ahecha peteĩ ánhel oñemboʼýva hína kuarahýpe, ha haʼe osapukái hatã ha heʼi entéro umi guyra ovevévape yvágare: “Peju koʼápe, peñembyaty Ñandejára karu guasurã, 18  ikatu hag̃uáicha peʼu umi rréi roʼo, umi komandánte militár roʼo, umi kuimbaʼe imbaretéva roʼo, umi kavaju roʼo, umi kavaju arigua roʼo, ha entéro roʼo, tahaʼe umi orekóva liverta térã tembiguái, umi michĩva ha umi tuicháva”. 19  Ha ahecha pe mymba ñarõ, ha umi rréi yvy arigua ha ijehersitokuéra oñembyatyha oñorairõ hag̃ua pe kavaju arigua kóntrape, ha ijehérsito kóntrape. 20  Ha pe oguapýva pe kavaju ári ojagarra pe mymba ñarõme ha pe proféta japúpe (péva hína pe ojapóva umi techapyrã pe mymba renondépe ha umíva rupive ombotavy entéro umi orresivi vaʼekuépe pe mymba ñarõ márka, ha omombaʼeguasúva haʼangápe). Ha oikove aja gueteri pe mymba ñarõ ha pe proféta japu, haʼe opoi chupekuéra pe lágo oĩháme tatarendy ha asúfre. 21  Péro umi ótrope ojejuka pe espáda pukúpe, osẽva pe kavaju arigua jurúgui. Ha entéro umi guyra hoʼu hyg̃uatãha meve umi teʼongue.

Nóta

Griégope heʼi: “Pemombaʼeguasúke Jáhpe”. Térã: “Aleluya”. Ehecha Informasión Oĩvéva 2.
Ehecha “Tekovai”, Informasión Oĩvéva 4-pe.
Griégope heʼi: “Pemombaʼeguasúke Jáhpe”.
Ehecha “Ansiáno”, diksionário oĩva ko Bíbliape.
Ehecha “Keruvín”, diksionário oĩva ko Bíbliape.
Térã: “Amén”.
Griégope heʼi: “Pemombaʼeguasúke Jáhpe”.
Griégope heʼi: “Pemombaʼeguasúke Jáhpe”.
Ehecha Informasión Oĩvéva 1.
Ehecha “Profesía”, diksionário oĩva ko Bíbliape.