Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 17:1-18

17  Peteĩva umi siete ánhel orekóva umi siete mbaʼyru apytégui, ou ha heʼi chéve: “Eju ha ahechaukáta ndéve mbaʼéichapa ojekastigáta pe kuña rekovaípe, pe oguapýva heta y ári.  Umi rréi yvy arigua hekovai* meme hendive, ha umi hénte oikóva yvy ape ári okaʼupa hoʼu rupi pe víno henyhẽva hekovaikuégui”.  Pe ánhel chegueraha espíritu sánto* rupive desiértope. Ha ahecha peteĩ kuña oguapýva peteĩ mymba ñarõ pytã asýva ári. Pe mymba henyhẽ téra otakývagui* Ñandejárare, siete iñakã ha diez hatĩ.  Pe kuña omonde ao pytãhũ ha pytã asýva, oreko aláha de óro, ita iporãitereíva ha pérla; ipópe oreko peteĩ kópa de óro henyhẽva umi mbaʼe ñanembojeguarúvagui ha hekovaikue ikyʼaitereívagui.  Isyváre ojehai peteĩ téra ojekuaaʼỹva: “Babilonia Guasu*, haʼe hína umi kuña rekovai sy ha opa mbaʼe ñanembojeguarúva oĩva yvy ári sy”.  Ahecha pe kuña okaʼuha umi imarangatúva ruguýpe ha Jesús testigokuéra ruguýpe. Ha ahechávo chupe chejurujái apytávo.  Upévo pe ánhel heʼi chéve: “¿Mbaʼére piko ndejurujái repytávo? Che amombeʼúta ndéve mbaʼépa orrepresenta* pe kuña ha avei mbaʼépa orrepresenta pe mymba ñarõ siete iñakãva ha diez hatĩva, ogueraháva hína chupe:  Pe mymba ñarõ rehecha vaʼekue oikove kuri ñepyrũrã, upéi ndaiporivéi, péro koʼẽrõite ojupíta pe yvykua pypukúgui* ha upe rire oñehundíta. Umi hénte yvy arigua (koʼãva réra ndojehaíri pe lívro jeikove reheguápe, ko múndo* oñepyrũ guive) oponderaitereíta ohechávo mbaʼéichapa pe mymba ñarõ oikove kuri iñepyrũme, upéi ndaiporivéi, péro upe rire ou jeýta hína.  ”Peteĩ kuimbaʼe iñakãporã ha iñarandu vaʼerã ontende hag̃ua ko mbaʼe: Umi siete akã orrepresenta siete sérro ha umíva ári oguapy hína pe kuña. 10  Oĩ siete rréi: cinco hoʼáma, peteĩva oĩ hína, pe ótro neʼĩra og̃uahẽ, péro ág̃a haʼe og̃uahẽvo opyta vaʼerã peteĩ tiémpo mbykymíre. 11  Ha pe mymba ñarõ oikovéva kuri péro upéi ndaiporivéi, péva haʼe avei peteĩ rréi, pe ochoha; péro osẽ umi siete rréigui ha oho oñehundi hag̃uáme. 12  ”Umi diez hatĩ rehecha vaʼekue orrepresenta diez rréi. Koʼãva nogovernái gueteri, péro orresivi autorida ogoverna hag̃ua pe mymba ñarõndi una órare. 13  Koʼãva opensa peteĩchapa ha upévare omeʼẽ ipodér ha ijautorida pe mymba ñarõme. 14  Haʼekuéra oñorairõta pe Ovecharaʼy kóntrape, péro haʼe ipuʼakáta hesekuéra, pe Ovecharaʼy haʼégui mburuvichakuéra Ruvicha ha Rréi omandáva entéro rréire. Avei umi oñehenóiva, ojeporavóva ha ojepytasóva Ñandejára ykére, umíva ipuʼakáta umi diez rréire”. 15  Ha haʼe heʼi chéve: “Nde rehecha kuri pe kuña rekovai oguapyha umi y ári, umíva orrepresenta hína heta hénte, puévlo, tetãnguéra ha umi oñeʼẽva opaichagua idióma. 16  Umi diez hatĩ rehecha vaʼekue ha pe mymba ñarõ ndochaʼemoʼãi pe kuña rekovaíre. Haʼekuéra sarambi ojapóta chugui, ohejáta chupe opívo, hoʼúta hoʼo ha ohapypaitéta chupe tatápe. 17  Upéva oiko Ñandejára omoĩgui chupekuéra ipyʼapýpe ojapo hag̃ua hikuái haʼe opensáva. Si, haʼekuéra opensa peteĩchapa ha ojapo upe opensáva: omeʼẽ ijautorida pe mymba ñarõme, haʼe ogoverna hag̃ua oñekumplipa peve Ñandejára heʼi vaʼekue. 18  Pe kuña rehecha vaʼekue orrepresenta pe siuda guasu orekóva peteĩ rréino, ogovernáva umi rréi yvy ariguáre”.

Nóta

Ehecha “Tekovai”, Informasión Oĩvéva 4-pe.
Ehecha “Espíritu Sánto”, diksionário oĩva ko Bíbliape.
Ehecha “Blasfemia”, diksionário oĩva ko Bíbliape.
Ehecha “Babilonia Guasu”, diksionário oĩva ko Bíbliape.
Térã: “peteĩ mbaʼe oĩva kañyháme”.
Ehecha “Yvykua Pypuku”, diksionário oĩva ko Bíbliape.
Ehecha “Múndo”, diksionário oĩva ko Bíbliape.