Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 15:1-8

15  Upéi ahecha yvágape ótro techapyrã, tuicháva ha ndaijojaháiva: siete ánhel oguerúva siete mbaʼe vai. Koʼãva hína umi ipahapeguáva, ha og̃uahẽvo huʼãme, opáta avei Ñandejára pochy rendy.  Ahecha avei peteĩ mar ojoguáva vídriope ojeheʼáva tata rehe, ha umi ipuʼakáva pe mymba ñarõre, pe haʼangáre, ha héra númerore. Haʼekuéra oñemboʼy pe mar ojoguáva vídriope ykére ha oreko árpa Ñandejára omeʼẽ vaʼekue chupekuéra.  Ha opurahéi hikuái pe Ovecharaʼy ha Moisés músika, haʼe hína Ñandejára rembiguái. Haʼekuéra heʼi: “Ñandejára Ipuʼakapáva Jehová*, ne rembiapokue ningo tuicha ha ndaijojahái. Rréi opa ára g̃uarã, umi nde rape ningo hekopegua ha ikatu jajerovia hese.  ¿Máva piko añetehápe ndokyhyjemoʼãi ndehegui ha nombotuichamoʼãi nde réra Jehová, nde añoitégui pe ijeroviaháva? Opa tetãnguéra oúta ne renondépe ha nemombaʼeguasúta, ojehecha rupi reporohusgaha hekoitépe”.  Upe rire ahecha pe témplo* ojavriha yvágape,  ha umi siete ánhel oguerúva umi siete mbaʼe vai osẽ pe témplogui, haʼekuéra omonde ao de líno ipotĩ ha omimbipáva, ha oreko fáha de óro ipytiʼáre.  Ha umi cuatro keruvín* apytégui, peteĩva omeʼẽ umi siete ánhelpe, siete mbaʼyru de óro henyhẽva Ñandejára pochy rendýgui, haʼe hína Ñandejára oikovéva opa ára g̃uarã.  Ha pe témplo henyhẽ tatatĩgui Ñandejára rekomimbipa ha ipodér káusare; ha avave ndaikatúi oike pe témplope oñemohuʼã meve umi siete mbaʼe vai oguerúva umi siete ánhel.

Nóta

Ehecha Informasión Oĩvéva 1.
Péva hína pe Lugár Imarangatuvéva. Ehecha “Lugár Imarangatuvéva”, diksionário oĩva ko Bíbliape.
Ehecha “Keruvín”, diksionário oĩva ko Bíbliape.