Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Apocalipsis 13:1-18

13  Ha pe dragón* oñemboʼy ha opytaite pe yvykuʼi marpegua ári. Upéi ahecha peteĩ mymba ñarõ ojupíva pe márgui, diez hatĩ ha siete iñakã, ha umi hatĩ ári oreko diez koróna, péro iñakãre oguereko umi téra otakýva* Ñandejárare.  Pe mymba ñarõ ahecháva ojogua jaguaretépe*, ipy haʼete óso py ha ijuru katu ojogua león jurúpe. Ha pe dragón omeʼẽ pe mymba ñarõme podér, tróno ha tuicha autorida.  Ha ahecha peteĩ iñakã haʼetévaicha ojerregolla ha ojejuka vaʼekue, péro upéi okuera jey pe ojerregolla hague; ha pe yvy tuichakue osegi pe mymba ñarõme ha ohecharamoiterei chupe hikuái.  Umi hénte omombaʼeguasu pe dragónpe, haʼe omeʼẽgui autorida pe mymba ñarõme; ha omombaʼeguasu avei hikuái pe mymba ñarõme heʼívo: “¿Mávapa ojogua pe mymba ñarõme, ha máva piko ikatu oñorairõ hendive?”.  Pe dragón omeʼẽ pe mymba ñarõme peteĩ juru otaky hag̃ua Ñandejárare ha oñembotuicha hag̃ua. Ha oñemeʼẽ chupe autorida ojapo hag̃ua upéva cuarenta y dos mésere.  Ha haʼe ojurupeʼa ha oñepyrũ otaky Ñandejárare, otaky hérare ha yvágare, pe lugár Ñandejára oikoha; ha otaky avei umi oikóvare upépe.  Pe mymba ñarõme oñemeʼẽ permíso oñorairõ hag̃ua umi imarangatúva kóntrape ha ipuʼaka hag̃ua hesekuéra. Avei oñemeʼẽ chupe autorida oreko hag̃ua ipoguýpe entéro trívu, puévlo, umi oñeʼẽva opaichagua idióma ha opa tetã.  Entéro oikóva ko yvy ape ári omombaʼeguasúta chupe. Ko múndo* oñepyrũ guive, koʼã hénte réra ndojehaíri pe Ovecharaʼy ojejuka vaʼekue lívrope*, ni peteĩva jepe ijapyteguikuéra.  Ijapysáva tohendu. 10  Oĩramo oho vaʼerã préso, ohóta préso. Oĩramo oporojukátava espádape, chupe ojejuka vaʼerã espádape. Upearã tekotevẽ umi imarangatúva oaguantakuaa ha ojerovia. 11  Upéi ahecha ótro mymba ñarõ ojupíva yvýgui, haʼe mokõi hatĩ ovecharaʼýicha, péro oñepyrũvo oñeʼẽ haʼete peteĩ dragón. 12  Ha oiporupaite pe primer mymba ñarõ autorida hesa renondépe. Ha oñehaʼã omanda ko yvy ha yvyporakuérape omombaʼeguasu hag̃ua pe primer mymba ñarõme, péva hína pe okuera vaʼekue ojerregolla rire. 13  Haʼe ojapo umi techapyrã tuicháva, tata jepe omboguejy yvágagui ko yvy ape ári yvyporakuéra resa renondépe. 14  Haʼe ombotavy umi oikóvape ko yvy ape ári, upearã oiporu umi techapyrã oñepermiti vaʼekue chupe ojapo pe primer mymba ñarõ renondépe. Upe aja heʼi umi oikóvape ko yvy ape ári ojapo hag̃ua peteĩ taʼanga pe primer mymba ñarõme g̃uarã; ko mymba hína pe ojerregolla vaʼekue espádape ha upéicharamo jepe oikove jey. 15  Pe segundo mymba ñarõme oñemeʼẽ permíso omoingove* hag̃ua pe primer mymba ñarõ raʼangápe. Péicha pe mymba ñarõ raʼanga ikatúta oñeʼẽ ha omandáta ojejuka hag̃ua entéro umi nomombaʼeguasúiva chupe. 16  Ha haʼe oovliga entéro umi héntepe, michĩva ha tuicháva, ipláta ha imboriahúva, orekóva liverta ha tembiguáipe, omoĩ hag̃ua pe márka ipo deréchare térã isyváre, 17  péicha avave ndaikatumoʼãi ojogua térã ovende, síno umi orekóva pe márka añoite: pe mymba ñarõ réra térã inúmero. 18  Peteĩ kuimbaʼe iñarandu vaʼerã ontende hag̃ua ko mbaʼe: pe iñakãporãva tokalkula pe mymba ñarõ número, upéva peteĩ kuimbaʼe número hína. Inúmero haʼe 666.

Nóta

Térã: “peteĩ mbói ndetuichapa jepéva”.
Ehecha “Blasfemia”, diksionário oĩva ko Bíbliape.
Griégope heʼi: “leopárdo”.
Ehecha “Múndo”, diksionário oĩva ko Bíbliape.
Ko lívrope ojehai umi ogovernátava Jesús ndive yvágape rerakuéra.
Griégope heʼi: “omeʼẽ hag̃ua pytu oporomoingovéva”.