Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Gálatas 6:1-18

6  Che ermanokuéra, peteĩ kuimbaʼe ohóramo tape vaíre, haʼe opilla mboyve jepe, peẽ pende jerovia mbaretéva peñehaʼãma vaʼerã pegueru jey chupe tape porãme. Péro pejapo vaʼerã upéva pyʼaguapýpe porãnte. Ha peñatendéke pendejehe, cháke ikatu peẽ avei peʼa hína ñuhãme.  Pesegíkena pegueraha ojupe pende kárga pohýi ha péicha pekumpli Cristo* Léi*.  Oĩramo opensáva iñimportanteha, ha ndaupéichai, oñembotavy hína ijupe voi.  Péro káda uno tojesareko umi mbaʼe ojapóvare, ha ani oñembojoja ótrore, péicha ikatúta ovyʼa hembiapóre ha ndahaʼéi oñembojoja haguére ótrore.  Cháke káda uno ogueraháta ikárga.  Avei pe oñehekomboʼéva Ñandejára Ñeʼẽ heʼiháicha, okomparti vaʼerã opa mbaʼe porã imboʼehárandi.  Ani peñembotavy pendejupe voi: Avave ningo ndaikatúi oñembohory Ñandejárare, cháke opa mbaʼe ñañotỹva, upéva avei ñamonoʼõta.  Pe oñotỹva omeʼẽ hag̃ua gústo hete rembipota vaípe, omonoʼõta ñehundi; péro pe oñotỹva oiko hag̃ua pe espíritu oipotaháicha, omonoʼõta jeikove opaveʼỹva pe espíritu rupive.  Upévare, akóintekena jajapo iporãva, péicha og̃uahẽ vove pe tiémpo katuete ñamonoʼõta nañanekaneʼõiramo. 10  Upéicharõ, jareko aja oportunida, jajapo memékena iporãva opavave rehehápe, péro koʼýte ñane ermanokuéra rehehápe. 11  Chete ahai peẽme ko kárta, pemañamíntena mbaʼeichaitépa tuichaicha umi létra. 12  Entéro umi opyta porãséva ótrondi, pendeovligase peñesirkunsida hag̃ua. Péicha ojapo hikuái ndoipotáigui ojepersegi chupekuéra Jesús káusare*, haʼéva pe Cristo. 13  Añetehápe, ni umi oñesirkunsidáva nokumplíri pe Léi, péro oipota peẽ peñesirkunsida ikatu hag̃uáicha haʼekuéra oñembotuicha pendereheve. 14  Che katu ni mbaʼevéicharõ nañembotuichaséi, ndahaʼéiramo aservi haguére* ñande Ruvicha Jesucrístope, haʼe rupive ko múndo* omano* chéve g̃uarã, ha che amano ko múndope g̃uarã. 15  Pe oñesirkunsidáva ha pe noñesirkunsidáiva ndahaʼéi mbaʼeve, péro peteĩ mbaʼe Ñandejára ojapo pyahúva iñimportánte. 16  Ñandejára tomeʼẽ pyʼaguapy ha toiporiahuvereko enterove umi osegívape hekoitépe ko Léi, haʼekuéra hína Israel Ñandejára mbaʼéva. 17  Koʼág̃a guive ani avave chemolesta, arekógui che retére umi márka ohechaukáva che haʼeha Cristo rembiguái. 18  Che ermanokuéra, hiʼãite chéve ñande Ruvicha Jesucristo mbaʼeporã ijojahaʼỹva* toĩ pene korasõme. Taupéicha*.

Nóta

Ehecha “Cristo”, diksionário oĩva ko Bíbliape.
Ehecha “Léi”, diksionário oĩva ko Bíbliape.
Griégope heʼi: “pe yvyra pohýi Jesús, haʼéva pe Cristo, oñemosaingo hague káusare”. Ehecha “Yvyra Pohýi”, Informasión Oĩvéva 6-pe.
Griégope heʼi: “pe yvyra pohýi Jesucrístope oñemosaingo haguépe”.
Ehecha “Múndo”, diksionário oĩva ko Bíbliape.
Griégope heʼi: “oñemosaingo yvyráre”.
Ehecha “Mbaʼeporã Ijojahaʼỹva”, diksionário oĩva ko Bíbliape.
Térã: “Amén”.