Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

Gálatas 3:1-29

3  ¡Ajépa pendevýro peẽ gálata! Peẽme ningo ojehechauka porã kuri Jesucrístope oñemosaingo hague yvyráre. ¿Máva piko hína upe penembotavýva koʼág̃a?  Peteĩ mbaʼénte aporanduse: ¿Peẽme piko oñemeʼẽ raʼe espíritu sánto* pekumpli rupi pe Léi*, térãpa pejerovia haguére umi mbaʼe pehendu vaʼekuére?  ¡Peichaite peve piko pendevýro! Peẽngo ñepyrũrã pejerovia kuri espíritu sántore ha ipahápe koʼág̃a pejerovia umi mbaʼe oúvare yvypóra imperféktogui.  ¿Upéicharõ piko peẽ pehasa asy reiete raʼe? Ni ndagueroviaséi la upeichaha.  Pe omeʼẽva peẽme espíritu sánto ha ojapóva heta milágro pende apytépe, ¿ojapo piko upéva pekumpli haguére pe Léi, térãpa pejerovia rupi umi mbaʼe pehendu vaʼekuére?  Péicha avei Abrahán “ojerovia Jehováre* ha upévare ojeʼe hese hekojojaha”.  Katuete peẽ peikuaa umi ojeroviáva haʼeha Abrahán raʼy.  Ñandejára Ñeʼẽ ohechakuaáma vaʼekue Ñandejára heʼitaha umi tetã ambuegua hekojojaha* ojerovia rupi hikuái. Upévare oikuaaukáma vaʼekue Abrahánpe umi marandu porã* heʼívo: “Nde rupive ojehovasáta* entéro tetã”.  Abrahánpe ningo ojehovasa vaʼekue ojerovia haguére, ha upéicha avei koʼág̃a ojehovasa umi ojeroviávape. 10  Entéro oimoʼãva hekojojaha okumpli haguére pe Léi, oñemaldesíta; Ñandejára Ñeʼẽme heʼígui: “Umi nokumplíriva hekoitépe opa mbaʼe ojehai vaʼekue pe Léipe, oñemaldesíta”. 11  Avei jahecha porãiterei avave ndahekojojaiha Ñandejára renondépe pe Léi rupive, síno “pe hekojojáva oikovéta ijerovia rupive”. 12  Pe Léi noikotevẽi jeroviáre, síno heʼiháicha Ñandejára Ñeʼẽme: “Pe okumplíva koʼã mandamiénto oikovéta umíva rupive”. 13  Cristo* opaga ñanderehe ñaneguenohẽ hag̃ua pe Léi ñanemaldesíva poguýgui, ha péicha oñemaldesi chupe ñande vése. Ñandejára Ñeʼẽ heʼi rupi: “Toñemaldesi entéro kuimbaʼe oñemosaingóva yvyráre”. 14  Upéva oiko umi tetã ambuegua ohupyty hag̃ua Jesucristo rupive umi mbaʼe porã oñepromete vaʼekue Abrahánpe. Ha péicha jajerovia rupi, ikatúta jarresivi pe espíritu oñepromete vaʼekue. 15  Che ermanokuéra, amoĩta peẽme peteĩ ehémplo: Peteĩ kuimbaʼe ojapóramo peteĩ kompromíso* ótrondi ha omoĩ kuatiáre, avave ndaikatuvéima omoĩ pype mbaʼeve, ojejapómante vaʼerã. 16  Umi promésa ningo ojejapo vaʼekue Abrahán ha iñemoñarépe; Ñandejára Ñeʼẽ ndeʼíri: “Ha umi ne ñemoñarépe”, oñeñeʼẽramoguáicha hetáre, síno peteĩrente: “Ha ne ñemoñarépe”, haʼéva hína Cristo. 17  Che avei haʼe ko mbaʼe: Ñandejára ojapo vaʼekue tenonderã pe kompromíso, ha upéi cuatrocientos treinta áño haguépe omeʼẽ pe Léi, péro upéva nombyaíri pe kompromíso ha pe promésa ndopytareíri. 18  Pe erénsia oñemeʼẽramo Léi rupive, upéicharõ ndahaʼevéima peteĩ promésa rupive. Péro imbaʼeporã rupi Ñandejára omeʼẽ pe erénsia Abrahánpe peteĩ promésa rupive. 19  ¿Maʼerã piko upéicharõ oĩ pe Léi? Pe Léi oĩ vaʼekue ohechauka hag̃ua umi mbaʼe vai ojapóva umi hénte, ha upéva osegi og̃uahẽ meve pe ñemoñare, chupe ningo ojejapo vaʼekue pe promésa. Ñandejára omeʼẽ pe Léi umi ánhelpe ha haʼekuéra oikuaauka upéva peteĩ mediadór* rupive. 20  Péro peteĩme g̃uarã añónte natekotevẽi peteĩ mediadór. Ha Ñandejára ningo peteĩnte. 21  ¿Upéicharõ piko pe Léi oñemoĩ Ñandejára promesakuérare? ¡Ni mbaʼevéicharõ! Oñemeʼẽrire peteĩ Léi ikatúva oporomoingove, añetehápe ñanderekojoja vaʼerãmoʼã pe Léi rupive. 22  Péro Ñandejára Ñeʼẽ omoĩ opa mbaʼe pekádo poguýpe. Péicha umi ojeroviáva ikatúta ohupyty umi mbaʼe porã oñepromete vaʼekue umi ojeroviávape Jesucrístore. 23  Péro og̃uahẽ mboyve pe jerovia teete ha ñahaʼarõ aja ojekuaauka pe jerovia, ñaime kuri Léi poguýpe ha haʼe ñanekontrola. 24  Upéicharõ, pe Léi haʼe vaʼekue peteĩ gía* ñandegueraháva Crístope, ikatu hag̃uáicha ojeʼe ñanderekojojaha jajerovia rupi. 25  Péro koʼág̃a og̃uahẽma pe jerovia teete ha nañaimevéima peteĩ gía poguýpe. 26  Añetehápe enterove peẽ haʼe Ñandejára raʼy, pejerovia rupi Cristo Jesús rehe. 27  Enterove peẽ pejevautisáva* ha koʼág̃a peiméva Cristo ndive, pejogua Crístope. 28  Ndaipóri hudío ni griégo, tembiguái ni orekóva liverta, kuimbaʼe ni kuña, enterove peẽ haʼégui peteĩnte pejoaju rupi Cristo Jesús rehe. 29  Avei peẽ haʼéramo Cristo mbaʼe, añetehápe peẽ haʼe Abrahán ñemoñare, ha ikatu pehupyty pe erénsia oñepromete vaʼekue Abrahánpe.

Nóta

Ehecha “Espíritu Sánto”, diksionário oĩva ko Bíbliape.
Ehecha “Léi”, diksionário oĩva ko Bíbliape.
Ehecha Informasión Oĩvéva 1.
Ehecha “Hekojojáva Ñandejára Renondépe”, diksionário oĩva ko Bíbliape.
Ehecha “Marandu Porã”, diksionário oĩva ko Bíbliape.
Térã: “oñevendesíta”. Ehecha “Vendisión”, diksionário oĩva ko Bíbliape.
Ehecha “Cristo”, diksionário oĩva ko Bíbliape.
Térã: “pákto ỹrõ kontráto”.
Ehecha “Mediadór”, diksionário oĩva ko Bíbliape.
Griégope ko palávra heʼise peteĩ oñangarekóva mitãre.
Ehecha “Vautísmo”, diksionário oĩva ko Bíbliape.