Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

3 Juan 1:1-14

 Che, haʼéva ansiáno*, ahai ko kárta Gáyope, che ermáno ahayhuetéva; che añetehápe ahayhu chupe.  Che ermáno ahayhuetéva, che ñemboʼépe ajerure akóinte reñakarapuʼã ha neresãi hag̃ua jepiveguáicha.  Avyʼaiterei kuri umi ermáno oúrõ guare omombeʼu chéve mbaʼéichapa reñakarama hatã pe añeteguáre ha resegi reiko pe añetegua rapére.  Chéngo avyʼaiterei ahendu jave che raʼykuéra osegiha oiko pe añetegua rapére.  Che ermáno ahayhuetéva, nde rehechauka ikatuha ojejerovia nderehe opa mbaʼe rejapóvape umi ermáno rehehápe, ndereikuaáiramo jepe chupekuéra.  Haʼekuéra omombeʼu pe kongregasión* renondépe mbaʼéichapa reporohayhu. Eñatendemína hesekuéra Ñandejára oguerohoryháicha, ikatu hag̃uáicha oviaha hikuái.  Haʼekuéra osẽ kuri opredika Ñandejára réra rehehápe, ha ndojagarrái mbaʼeve umi tetã ambueguágui.  Ñande katu jareko ovligasión jarresivi porãvo chupekuéra, ikatu hag̃uáicha oñondivepa ñambaʼapo pe añetegua rehehápe.  Che ahai kuri peteĩ kárta pe kongregasiónpe, péro Diótrefes ndaorerrespetái ha ndoikuaaséi mbaʼeve ore roʼévagui; haʼe ningo omandase opavavére. 10  Upévare ág̃a aháramo, amombeʼúta la haʼe ojapóva, mbaʼéichapa okopi meme orerehe. Ha ndahaʼéi voi upévante, síno ndorrespetái umi ermánope, ndorresiviséi chupekuéra, ha umi orresivisévape katu oñehaʼã ojoko ha omosẽse voi kongregasióngui. 11  Che ermáno ahayhuetéva, ani rehaʼanga ivaíva, síno iporãva. Pe ojapóva iporãva ou Ñandejáragui, pe ojapóva ivaíva katu ndoikuaái Ñandejárape. 12  Enterove umi ermáno oñeʼẽ porã Demétriore ha upéva ojekuaa haʼe oiko rupi pe añetegua rapére. Añetehápe ore avei romombeʼu haʼe ojapoha upéva, ha nde reikuaa ore roʼéva añeteha. 13  Arekóramo jepe heta mbaʼe haʼeséva ndéve, ndaskriviséi peteĩ kártape. 14  Ahaʼarõtante aha ne rendápe koʼẽrõite ha upévo ñañemongetáta. Aipotaite ndepyʼaguapy. Umi ermáno orahauka ndéve salúdo. Saludomi avei káda ermánope.

Nóta

Térã: “karai ijedáva”.
Ehecha “Kongregasión”, diksionário oĩva ko Bíbliape.