Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Timoteo 4:1-22

4  Koʼã mbaʼe amanda ndéve, Ñandejára ha Cristo Jesús renondépe, haʼe ohusgáta umi oikovéva ha omanóvape, ha ojehechaukáta ou vove Irréinope:  Epredikáke kyreʼỹme Ñandejára Ñeʼẽ tahaʼe iporã térã ivai jave, nepasiénsiake rehekomboʼe, rekorrehi ha reñemoñeʼẽ hag̃ua, ha ndekatupyrýke reporomboʼe hag̃ua.  Cháke og̃uahẽta peteĩ tiémpo, ha haʼekuéra ndaikatumoʼãvéima ohendu umi ñeʼẽ porãite, síno omeʼẽ hag̃ua ijupekuéra gústo, ombyatýta ijerére mboʼehára ombojuruheʼẽva chupekuéra.  Haʼekuéra nohendumoʼãi pe añetegua, ha ohendúta umi kuénto japu.  Nde katu epensa hekópe opa mbaʼerã, eaguanta umi mbaʼe vai, esegi epredika umi marandu porã*, ejapopaitéke ne rembiapo hekoitépe.  Pe víno oñeñohẽháicha* oñekuaveʼẽ hag̃ua Ñandejárape, che añeñohẽ avei hína penderehehápe, ha og̃uahẽmbaitéma pe tiémpo areko hag̃ua liverta.  Che añorairõ pe ñorairõ iporãva, adipara pe karréra ipahaite peve, asegi ajerovia.  Koʼág̃a ñande Ruvicha oporohusgáva hekoitépe, omboykéma chembaʼerã peteĩ koróna. Ko koróna oñemeʼẽta umi hekojojávape. Upe árape haʼe omeʼẽta chéve upéva peteĩ prémioicha. Ha ndahaʼemoʼãi chévente omeʼẽtava, síno enterove ohaʼarõvape haʼe ojehechauka.  Ejapókena ikatúva entéro, pyaʼe porã reju hag̃ua che rendápe. 10  Demas chereja rei ohayhu rupi ko múndo*, ha oho Tesalónicape; Crescente katu Galáciape; ha Tito Dalmáciape. 11  Lucas añoite oĩ chendive. Eguerúna Márcospe nendive, haʼe ideprovécho chéve akumpli hag̃ua che rembiapo. 12  Péro Tíquicope amondo Éfesope. 13  Reju vove egueru pe ao aku aheja vaʼekue Tróaspe, Carpo rógape. Egueru avei umi kuatiañeʼẽ, koʼýte umi ojejapóva mymba pirégui. 14  Alejandro pe ombaʼapóva kóvre rehe, heta mbaʼe vai ojapo cherehe. Haʼe ojecháta Jehovándi* umi hembiapokuére. 15  Ha nde eñeñangareko avei chugui, cháke haʼe oñemoĩ mbarete umi marandu jaikuaaukávare. 16  Ajegueraha ypýrõ guare añedefende hag̃ua pe trivunál renondépe, avave ndohói chendive, enterove chereja rei (ani Ñandejára okulpa chupekuéra upévare). 17  Péro ñande Ruvicha oĩ che ykére ha chemombarete, ikatu hag̃uáicha che apredika hekoitépe, ha opa tetãrupi oñehendu upéva; ha ñande Ruvicha chesalva pe león jurúgui. 18  Ñande Ruvicha chesalváta opa mbaʼe vaígui cheguerahávo Irréino yvagapeguápe. Chupe toñembotuicha opa ára g̃uarã. Taupéicha*. 19  Saludomi Prisca ha Áquilape, avei Onesíforo rogayguakuérape. 20  Erasto opyta Coríntope, péro Trófimope aheja Milétope hasy rupi. 21  Ejapókena ikatúva guive reg̃uahẽ hag̃ua araroʼy mboyve. Eubulo orahauka ndéve salúdo, avei Pudente, Lino, Claudia ha entéro umi ermáno. 22  Hiʼãite chéve ñande Ruvicha taimbaʼeporã* penendive, ha hiʼãite avei haʼe oĩ nendive nekyreʼỹ haguére rejapo hag̃ua iporãva.

Nóta

Ehecha “Marandu Porã”, diksionário oĩva ko Bíbliape.
Ehecha “Ofrenda de Libación”, diksionário oĩva ko Bíbliape.
Ehecha “Múndo”, diksionário oĩva ko Bíbliape.
Ehecha Informasión Oĩvéva 1.
Térã: “Amén”.
Térã: “tohechauka peẽme mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.