Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Timoteo 3:1-17

3  Péro eikuaa porãke ko mbaʼe, umi ára pahápe pe situasión ijetuʼúta ha hasýta jagueropuʼaka hag̃ua.  Umi hénte ijehénte ojepyʼapýta, iplatarayhúta, oñembotuicháta, ijejapóta, otakýta* hapicháre, naiñeʼẽrendumoʼãi ituvakuérape, imalagradesídota, oporombotavýta,  ndohayhumoʼãi ihéntepe, oñemohatãta heʼívape, okopíta ótrore, ndojejokokuaamoʼãi, oñemboharáita hapicháre, ndohayhumoʼãi mbaʼeve iporãva,  itraisionérota, hovaʼatãta, oñemombaʼeguasúta, oikóta vyʼarã rapykuéri ohayhu rangue Ñandejárape,  haʼetévaicha oservíva Ñandejárape, péro hekovére ojekuaáta ndosegiriha chupe, eñemomombyrýkena koʼãvagui.  Ha ijapyteguikuéra opuʼãta umi kuimbaʼe oikéva umi kuña rógape ha ñeʼẽkuaápe ombotavy chupekuéra. Ogueraha umi kuña ikangývape henyhẽva pekádogui, oñemeʼẽva opaichagua tembiapo vaípe ha oreko umívape ipoguýpe.  Koʼã kuña akóinte ostudia, upéicharõ jepe ndaikatúi voínte ontende hekopete pe añetegua.  Janes ha Jambres oñemoĩ haguéicha Moisés rehe, upéicha avei koʼã kuimbaʼe oñemoĩ pe añeteguáre, opa mbaʼe opensáva ivai ha Ñandejára ndoguerohorýi chupekuéra, ndoikói rupi hikuái pe jerovia ojerureháicha.  Péro haʼekuéra ndohopukumoʼãvéima, enterove ohechakuaáta rupi itavyraiha hikuái, Janes ha Jambres rehe ojekuaa haguéicha avei itavyraiha. 10  Péro nde katu reñatende porã ha resegi hekoitépe che amboʼéva, che aiko lája, che rembipota, che jerovia, che pasiénsia, che mborayhu ha che aguánte. 11  Avei reikuaa mbaʼéichapa ajepersegi ha ahasa asy aimérõ guare Antioquía, Iconio ha Lístrape. Che aaguanta umi jehasa asy ha opa umívagui ñande Ruvicha chesalva. 12  Añetehápe enterove Cristo* Jesús disípulo* omombaʼeguasuséva Ñandejárape, ojepersegíta avei. 13  Péro umi kuimbaʼe aña ha hovamokõiva oho vai vaive vaʼerã; ombotavýta ótrope ha haʼekuéra avei oñembotavýta ijupe voi. 14  Nde reñehekomboʼe vaʼekue hekoitépe reguerovia hag̃ua nde pyʼaite guive, upévare akóinte resegi vaʼerã umi mbaʼe reaprende vaʼekue, reikuaa porãgui mávapa nemboʼe umíva. 15  Nde reikuaa ne mitã guive Ñandejára Ñeʼẽ, ikatúva nemoarandu rejesalva hag̃ua rejerovia rupi Cristo Jesús rehe. 16  Opa mbaʼe oĩva Ñandejára Ñeʼẽme ojehai ijespíritu rupive. Ha ideprovécho ñaporomboʼe, ñañemoñeʼẽ, japorokorrehi, ha ñaporohekomboʼe hag̃ua hekoitépe. 17  Ikatu hag̃uáicha Ñandejára siérvo ikatupyry opa mbaʼerã, ha orekopaite hag̃ua oikotevẽva guive ojapo hag̃ua iporãva.

Nóta

Ehecha “Blasfemia”, diksionário oĩva ko Bíbliape.
Ehecha “Cristo”, diksionário oĩva ko Bíbliape.
Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.