Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Tesalonicenses 3:1-18

3  Ipahápe ermanokuéra, peñemboʼe memékena orerehe, ikatu hag̃uáicha Jehová* Ñeʼẽ osegi iñasãi pyaʼe ha enterove ombotuicha hag̃ua Iñeʼẽ, peẽ pejapoháicha voi.  Peñemboʼe avei rojesalva hag̃ua entéro kuimbaʼe añágui ikatúva oreperhudika, cháke naentéroi ojerovia hína.  Péro ñande Ruvicha ijeroviaha, ha haʼe penemombaretéta ha penemoʼãta pe añágui.  Avei, rosegi rupi ñande Ruvichápe, rojerovia pejapoha umi mbaʼe roʼéva peẽme ha pesegitaha pejapo.  Ñande Ruvicha tapenepytyvõ pehayhu hag̃ua Ñandejárape ha peaguanta hag̃ua Cristo* rehehápe.  Koʼág̃a ore roʼe peẽme ermanokuéra, ñande Ruvicha Jesucristo rérape, ani hag̃ua pejeheʼa umi ermáno oikóvare hekopeʼỹ ha ndosegíriva umi mbaʼe perresivi vaʼekue orehegui.  Peẽ voi peikuaágui mbaʼéichapa pesegi vaʼerã ore ehémplo, ore ndorojapói rupi mbaʼeve hekopeʼỹ pende apytépe.  Ha mbaʼeve ndoroʼúi ropagaʼỹre. Upéva rangue, rombaʼapo pohýi ára ha pyhare ani hag̃ua rojeko penderehe.  Ndahaʼéi ningo rojapóva upéva ndoroguerekóigui derécho, síno roipotágui pesegi ore ehémplo. 10  Añetehápe, roĩrõ guare penendive romandáma vaʼekue voi peẽme: “Oĩramo nombaʼaposéiva, ani okaru avei”. 11  Péro rohendu oĩha pende apytépe oikóva hekopeʼỹ, hekoreíva ha oikóva oñentremete ótro ojapóvare. 12  Umívape romanda ha roʼe jey jey ñande Ruvicha Jesucristo rérape: tombaʼapo pyʼaguapýpe, ha toʼu tembiʼu haʼekuéra ogana vaʼekue. 13  Peẽ katu ermanokuéra, aníke penekaneʼõ pejapo hag̃ua iporãva. 14  Péro oĩramo ndojapóiva umi mbaʼe roʼéva ko kárta rupive, pemarka chupe ha anive pejeheʼa hese jahecha notĩripa. 15  Upéicharõ jepe, ani pehecha chupe pene enemígoramo, síno pesegi peñemoñeʼẽ chupe peteĩ ermánoicha. 16  Aipotaite ñande Ruvicha omeʼẽva pyʼaguapy tapenepytyvõ pejapo hag̃ua opa mbaʼe trankílo porãnte. Ñande Ruvicha toĩ penendive. 17  Chete, Pablo ahai ko salúdo. Péva peteĩ márka oĩva entéro che kartakuérape, che péicha ahai hína. 18  Ñande Ruvicha Jesucristo taimbaʼeporã* penendive.

Nóta

Ehecha Informasión Oĩvéva 1.
Ehecha “Cristo”, diksionário oĩva ko Bíbliape.
Térã: “tohechauka peẽme mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.