Ehecha oĩva pype

Ehecha oĩva pype

2 Tesalonicenses 2:1-17

2  Ñande Ruvicha Jesucristo oĩ* vove ningo ñañembyatýta hendive, péro koʼág̃a rojerurese peẽme ermanokuéra:  Ani peheja avave penderesarea pyaʼeterei, ni peñekevranta oĩgui heʼíva peẽme Jehová* ára og̃uahẽmaha. Ani pejepyʼapy heʼíramo jepe hikuái pe marandu ouha Ñandejáragui, pehendúramo ojeʼeha upéva, térã peleéramo peteĩ kárta ojeʼéva ore rohai hague.  Aníke avave pendegueraha tape vaíre, cháke upe ára ou mboyve ou raẽ vaʼerã pe oñemoĩva Ñandejárare*, pe kuimbaʼe aña*, pe kuimbaʼe oñehundítava.  Haʼe hína peteĩ enemígo ha oñembotuicha entéro “ñandejára” ári, ha opa mbaʼe ojeadoráva ári. Upévare haʼe oguapy Ñandejára témplope ha heʼi ijehe haʼeha peteĩ ñandejára.  ¿Napenemanduʼái piko haʼéma hague voi peẽme koʼã mbaʼe aimérõ guare penendive?  Peẽ peikuaa mbaʼépa ojoko hína pe kuimbaʼe añáme, péva oiko ikatu hag̃uáicha haʼe ojehechauka og̃uahẽ vove itiémpo.  Añetehápe pe tembiapo vai oĩva ñemiháme oñepyrũma ombaʼapo, péro ohaʼarõ vaʼerã osẽ meve tapégui pe ojokóva hína chupe.  Upévo ojehechaukáta pe kuimbaʼe aña, ñande Ruvicha Jesús oiporúta pe podér osẽva ijurúgui ohundi hag̃ua chupe, ha ni hendague ndopytamoʼãi. Upérõ ojehechaukáta ñande Ruvicha oĩmaha*.  Péro pe kuimbaʼe aña oĩ* Satanás* káusare, haʼe omeʼẽgui chupe podér ojapo hag̃ua mbaʼeguasu, techapyrã ha milágro guaʼu. 10  Oiporu opaichagua tembiapo vai ombotavy hag̃ua umi oñehundítavape. Koʼãvape ojekastiga ndogueroviái ha ndohayhúi rupi pe añetegua, ikatútava kuri osalva chupekuéra. 11  Upévare Ñandejára oheja oñembotavy chupekuéra ikatu hag̃uáicha oguerovia hikuái pe japu. 12  Péicha enterove haʼekuéra ojehusgáta ndogueroviái haguére pe añetegua, síno oguerohorýgui hikuái tembiapo vai. 13  Peẽme katu ermanokuéra, Jehová penderayhu, ha ore katuete roagradese Ñandejárape penderehe, haʼe pendeporavóma haguére iñepyrũ guive pejesalva hag̃ua. Peẽ ningo penemarangatúma ijespíritu rupive ha peguerovia pe añetegua. 14  Haʼe pendeporavo pejesalva hag̃ua umi marandu porã* ore roikuaaukáva rupive, ikatu hag̃uáicha peẽ avei peñembotuicha ñande Ruvicha Jesucrístoicha. 15  Upéicharõ ermanokuéra, pejepytaso mbaretékena ha peñakarama hatã umi mbaʼe peaprende vaʼekuére, tahaʼe pehendu térã peleévo peteĩ kárta ore romondo vaʼekue peẽme. 16  Ñande Ru Ñandejára, ñanderayhu ha imbaʼeporã* rupi ñanekonsola opa ára g̃uarã ha omeʼẽ ñandéve esperánsa. Roipotaite Haʼe ha ñande Ruvicha Jesucristo 17  penekonsola ha penemombarete, ikatu hag̃uáicha akóinte peje ha pejapo iporãva.

Nóta

Griégope heʼi: “presénsia”, ehecha Informasión Oĩvéva 5.
Ehecha Informasión Oĩvéva 1.
Griégope heʼi: “apostasía”, ehecha diksionário oĩva ko Bíbliape.
Térã: “pe kuimbaʼe oñemoĩva pe Léi rehe”.
Griégope heʼi: “presénsia”.
Griégope heʼi: “presénsia”.
Ehecha “Satanás”, diksionário oĩva ko Bíbliape.
Ehecha “Marandu Porã”, diksionário oĩva ko Bíbliape.
Térã: “ohechauka rupi mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.