Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Pedro 3:1-18

3  Che ermanokuéra pohayhuetéva, kóva hína pe segunda kárta ahaíva peẽme, ha ajapóma haguéicha pe primera kártape, pomokyreʼỹ pepensa hag̃ua hekópe ha ani hag̃ua penderesarái koʼã mbaʼégui,  ikatu hag̃uáicha penemanduʼa umi proféta marangatu heʼi vaʼekuére yma, ha pe mandamiénto ñande Ruvicha ha Salvadór omeʼẽ vaʼekuére umi apóstol* rupive.  Tenonderã, aipota peikuaa umi ára pahápe outaha umi hénte oñembohorýva umi mbaʼe porãre, ha ojapóta umi mbaʼe vai ogustáva chupekuéra.  Ha heʼíta hikuái: “Haʼe ningo opromete vaʼekue outaha, ¿moõ piko oĩ* upéicharõ? Ñande rukuéra ypykue ningo oikove ha omanomba jeýma, péro upe tiémpo guive koʼág̃a peve mbaʼevete nokambiái”.  Haʼekuéra oikuaa porãramo jepe, ndohechakuaaséi yvága oĩ hague ymaite guive voínte, ha Ñandejára ñeʼẽ rupive ko yvy oñenohẽ ýgui, ha oñemopyenda porã umi y mbytépe.  Koʼã mbaʼe ohundi vaʼekue umi hénte upe tiempopeguápe. Péva oiko pe y ojagarrapárõ guare ko yvy tuichakue.  Péro Ñandejára ñeʼẽ rupive umi yvága ha pe yvy oĩva koʼág̃a, oñeñongatu hína oñehundi hag̃ua tatápe. Upéva oikóta og̃uahẽvo pe ára ojehusga ha oñehundi hag̃ua umi hénte añáme.  Upéicharõ jepe, che ermanokuéra pohayhuetéva, aníke penderesarái ko mbaʼégui: Jehovápe* g̃uarã un día haʼete mil áño, ha mil áño haʼete un díante.  Jehová naimbeguéi hína okumpli hag̃ua ipromésa, oĩháicha opensáva. Péro haʼe ipasiénsia penderehe ndoipotáigui avave oñehundi; oipota guei enterove oñarrepenti*. 10  Cháke, Jehová ára oúta peteĩ mondaháicha, ha umi yvága pyaʼe ohasáta peteĩ arasunúicha. Péro umi mbaʼe oĩva yvága ha yvýpe hakuetereígui hykupaitéta. Ha ko yvy ha umi mbaʼe oĩva ipype ojehapypáta*. 11  Opa mbaʼe péicha hykupáta rupi, peñatendéke mbaʼeichagua persónapa peẽ: penderekomarangatu ha pemombaʼeguasu vaʼerã Ñandejárape pende pyʼaite guive. 12  Akóinteke penemanduʼa ha pehaʼarõ Jehová ára*. Upe aja ningo umi yvága oñehundíta tatarendýpe, ha umi mbaʼe oĩva yvága ha yvýpe hykupaitéta pe tata akúpe. 13  Péro haʼe opromete haguéicha, ñande ñahaʼarõ hína yvága ha yvy ipyahúva, ha umívape akóinte oĩta tekojoja. 14  Upéicharõ che ermanokuéra pohayhuetéva, pehaʼarõ rupi koʼã mbaʼe, peñehaʼãmbaitékena penepotĩ Ñandejára renondépe, ani oĩ pende pype mbaʼeve ivaíva, ha peiko porã hendive. 15  Pehechakuaáke ñande Ruvicha ipasiensiaha omeʼẽ hag̃ua peẽme oportunida pejesalva hag̃ua. Upéva ñane ermáno Pablo jahayhuetéva, ohaíma voi kuri peẽme, Ñandejára omoarandu rupi chupe. 16  Añetehápe, entéro umi kárta ohai vaʼekuépe haʼe oñeʼẽ koʼã mbaʼére. Péro umi kártape oĩ jepi umi mbaʼe hasýva ñantende hag̃ua. Ha umi kuimbaʼe tavy ha umi ndoikuaáiva ni mbaʼépa la opensáva, oiko okambiapa oñantohaháicha chupekuéra, ojapoháicha avei entéro umi ótra párte oĩvare Ñandejára Ñeʼẽme, ha upévare oñehundíta hikuái. 17  Peẽ katu che ermanokuéra pohayhuetéva, peikuaáma rupi koʼã mbaʼe, peñatende porãke ani hag̃ua pejegueraha hendivekuéra tape vaíre, penembotavy rupi umi kuimbaʼe aña; ha péicha pejei pe tape porãgui peẽ pedesidi vaʼekue pesegitaha. 18  Aníke peheja avave penembotavy, síno akóinte pehupyty ñande Ruvicha ha Salvadór Jesucristo mbaʼeporã ijojahaʼỹva*, ha peikuaa porãve chupe. Toñemeʼẽ chupe tekomimbipa, koʼág̃a ha opa ára g̃uarã.

Nóta

Griégope heʼi: “pende apostolkuéra”. Ehecha “Apóstol”, diksionário oĩva ko Bíbliape.
Griégope heʼi: “presénsia”, ehecha Informasión Oĩvéva 5.
Ehecha Informasión Oĩvéva 1.
Ehecha “Arrepentimiénto”, diksionário oĩva ko Bíbliape.
Térã: “ojechaukáta”.
Griégope heʼi: “Jehová ára presénsia”.
Ehecha “Mbaʼeporã Ijojahaʼỹva”, diksionário oĩva ko Bíbliape.