Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Pedro 2:1-22

2  Upéicharamo jepe, oĩ haguéicha proféta japu Ñandejára puévlo apytépe, oĩta avei mboʼehára japu pende apytépe. Koʼãva kirirĩhaitépe omoñepyrũta umi sékta* oporohundíva, ha onegáta hikuái ijárape, upe opaga vaʼekue hesekuéra. Ha upéicha pyaʼeve oñehundíta hikuái.  Ha haʼekuéraicha avei oĩta heta notĩriva* hembiapo vai hag̃ua. Koʼãva káusare ojekopíta pe añetegua rapére.  Avei haʼekuéra itaryrýigui, ojaprovechaséta penderehe ha upearã ijapúta peẽme. Péro pe kastígo yma ojedesidíma vaʼekue otokataha chupekuéra naimbeguéi, ha katuete oñehundíta hikuái.  Añetehápe Ñandejára noponderái vaʼekue umi ánhel opeka vaʼekuére, síno okastiga chupekuéra opoívo pe Tártarope*; haʼe oheja chupekuéra yvykua iñypytũetereívape ohaʼarõ hag̃ua hikuái pe huísio.  Haʼe noponderái avei pe múndo* yma guarére, síno okastiga chupekuéra. Péro oguerúrõ guare pe ama guasu umi hénte aña ári, osalva Noépe, haʼe ningo peteĩ kuimbaʼe opredikáva umi mbaʼe hekopeguáva, ha hendive osalva avei siete tapichápe.  Ñandejára okastiga avei umi siuda Sodoma ha Gomórrape, ni hendague ndopytái; ha péicha oheja peteĩ modélo ohechaukáva mbaʼépa oikóta umi hénte añáre amo gotyove.  Haʼe osalva Lótpe, peteĩ kuimbaʼe hekojojáva ha oñeñandu vaietereíva umi hénte aña notĩri haguére hembiapo vai hag̃ua.  Ko kuimbaʼe hekojojáva ningo oiko vaʼekue ijapytepekuéra, ha káda día ohecha ha ohendu umi mbaʼe vai ojapóva hikuái. Opa koʼã mbaʼe okevrantaiterei chupe*.  Upéicharõ, Jehová* oikuaa mbaʼéichapa oguenohẽta jejopy vaígui umi hénte omombaʼeguasúvape chupe; péro oheja avei umi hekojojaʼỹvape ohundi hag̃ua chupekuéra pe Huísio Árape*. 10  Koʼýte ojapóta upéva umi oñehaʼãvare omongyʼa ótrope hekovaívo hendive, ha umi oapoʼíva umi omoakãvape. Umíva hovaʼatã voi, oñemohatã haʼekuéra heʼívapente ha ndokyhyjéi otaky hag̃ua umi Ñandejára oguerohorývare. 11  Umi ánhel katu imbareteve ha ivalevéramo jepe chuguikuéra, orrespeta rupi Jehovápe, noñepyrũi oakusa ha otaky vaipa hesekuéra. 12  Péro koʼã kuimbaʼe oiko otaky opa umi mbaʼe oikuaaʼỹvare. Haʼekuéra ojapo rupi ivaíva, Ñandejára ohundíta chupekuéra. Ojogua voi ningo hikuái umi mymbápe, nopensáiva ha onaséva ojejagarra ha oñehundi hag̃uánte, 13  ojeperhudika ijupe voi ha péicha oñemyengovia chupekuéra hembiapo vaikuére. Koʼãva ovyʼaiterei oñemeʼẽgui hete rembipotápe, arakuépe jepe. Haʼekuéra ningo peteĩ mbaʼe ikyʼa ha ivaíva pende apytépe, oĩ jave penendive umi karu guasuhápe, ha ovyʼaiterei hikuái ombotavy jave ótrope omboʼévo umi japu. 14  Umi hesa ningo henyhẽ mbaʼepota vaígui, ha ndaikatúi voi oheja ipekadokuéra. Ombotavy hikuái umi ikangývape* ha oprepara voi ikorasõ itaryrýi hag̃ua. Koʼãvape Ñandejára okastigáta. 15  Haʼekuéra oheja pe tape porã ha oho tape vaíre. Osegi hikuái Balaam, Beor raʼy pypore. Haʼe ohayhu vaʼekue pe rregálo oñemeʼẽtava chupe hembiapo vai haguére. 16  Péro Balaámpe ojekorrehi hembiapo vai haguére. Peteĩ vúrro oñeʼẽʼỹva, oñeʼẽ chupe yvypóraicha, ha péicha ohapejoko pe proféta* tarovápe. 17  Koʼãva ningo ojogua ykua hypa vaʼekuépe, arai ojeguerahávape ápe ha pépe oĩ jave torménta vai; ha ojeheja chupekuéra g̃uarã peteĩ lugár hũ vera ha iñypytũetereíva. 18  Umi mbaʼe heʼíva hikuái tuichaiterei guaʼu, péro ndovaléi mbaʼeverã. Oĩngo hénte apenaite ojesalváva hína umi oikóvagui tape vaíre; ha umívape haʼekuéra ombotavy ha upearã omboliga chupekuéra oiko hag̃ua hete rembipota vai rapykuéri ha hembiapo vai hag̃ua otĩʼỹre. 19  Koʼã hénte aña opromete avei chupekuéra liverta, péro haʼekuéra voi oiko tembiguáiramo ñehundi poguýpe. Upe ohejáva ótro oreko chupe ipoguýpe, oiko chugui hembiguái. 20  Añetehápe, haʼekuéra ojeíramo umi mbaʼe kyʼa oĩvagui ko múndope, oikuaa porã rupi ñande Ruvicha ha Salvadór Jesucrístope, péro upéi oñentremete jey umi mbaʼére ha oiko jey umíva rembiguáiramo, ipahápe oĩ vaive jey hikuái pe oñepyrũramo guarégui. 21  Haʼekuéra oikuaa porã kuri pe tape hekopeguáva, péro upéi ohejaite jey Ñandejára Léi* oñemeʼẽ vaʼekue chupekuéra, upévare iporãvénte vaʼerãmoʼã ndoikuaaiete umíva. 22  Oñekumpli hesekuéra pe ñeʼẽnga hendaitépe heʼíva: “Pe jagua hoʼu jey ivomitokue, ha pe kure ojahupa vaʼekue ojapajeréi jey tujúpe”.

Nóta

Ehecha “Sékta”, diksionário oĩva ko Bíbliape.
Ehecha “Conducta Desvergonzada”, diksionário oĩva ko Bíbliape.
Ehecha “Tártaro”, diksionário oĩva ko Bíbliape.
Ehecha “Múndo”, diksionário oĩva ko Bíbliape.
Griégope heʼi: “hiʼálma”. Ehecha “Álma”, Informasión Oĩvéva 7A-pe.
Ehecha Informasión Oĩvéva 1.
Ehecha “Huísio Ára”, diksionário oĩva ko Bíbliape.
Griégope heʼi: “umi álma ikangývape”.
Ehecha “Profesía”, diksionário oĩva ko Bíbliape.
Ehecha “Léi”, diksionário oĩva ko Bíbliape.