Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Juan 1:1-13

 Che, haʼéva ansiáno*, ahai ko kárta ñane ermána* ojeporavo vaʼekuépe ha imembykuérape. Añetehápe che ahayhu chupekuéra, ha ndahaʼéi chénte síno avei enterove umi oikuaáva pe añetegua.  Ore ningo pohayhu, enterove jarekógui pe añetegua ñane korasõme ha upéva oĩta ñanendive opa ára g̃uarã.  Ñande Ru Ñandejára ha Itaʼýra Jesucristo, omeʼẽta ñandéve pe añetegua ha mborayhu. Haʼekuéra imbaʼeporãitereíta* ñanendive, ñandeporiahuverekóta ha omeʼẽta ñandéve pyʼaguapy.  Avyʼaiterei aikuaágui ne membykuéra apytépe oĩha oikóva pe añetegua rapére, omanda haguéicha ñandéve pe Túva.  Upévare koʼág̃a ajerure ndéve che ermána, rekumpli hag̃ua peteĩ mandamiénto jarekómava iñepyrũ guive, ndahaʼéi peteĩ ipyahúva: jajoayhu vaʼerãha.  Pe mborayhu heʼise ko mbaʼe: jasegi vaʼerã jaiko Ñandejára mandamientokuéra heʼiháicha. Kóva hína pe mandamiénto peẽ pehendu vaʼekue iñepyrũ guive, upéicharõ pesegi vaʼerã pejoayhu.  Cháke heta oporombotavyséva osẽ ko múndope*, umi ndogueroviáiva Jesucristo ou hague yvypóraicha. Upéva haʼe hína pe oporombotavyséva ha oñemoĩva* Crístore.  Peñatendéke ani hag̃ua pehundi umi mbaʼe hetaite roñehaʼã vaʼekue pehupyty hag̃ua, upéicharõ peguerekopaitéta umi mbaʼe porã Ñandejára oprepara vaʼekue peẽme g̃uarã.  Entéro ojeíva pe tapégui ha ndosegíriva umi mbaʼe Cristo* omboʼe vaʼekue, ndahaʼéi Ñandejára siérvo. Pe osegíva Cristo omboʼe vaʼekue katu oservi pe Túvape ha osegi Itaʼýrape. 10  Oĩramo oúva pene rendápe ha nomboʼéi Cristo omboʼe vaʼekue, aníke arakaʼeve perresivi pende rógape ni pesaluda jepe chupe. 11  Cháke pe osaludáva chupe, omoirũ hína chupe hembiapo vaikuépe. 12  Arekóramo jepe heta mbaʼe haʼeséva peẽme, ndaskriviséi peteĩ kártape. Ahaʼarõtante aha pene rendápe, chete añeʼẽ hag̃ua penendive, ikatu hag̃uáicha pevyʼaiterei. 13  Ne ermána ojeporavo vaʼekue membykuéra orahauka ndéve salúdo.

Nóta

Térã: “karai ijedáva”.
Griégope heʼi: “kuñakarai”. Koʼápe oiméne oñeñeʼẽ pe kongregasión rehe.
Térã: “ohechaukáta ñandéve mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.
Ehecha “Múndo”, diksionário oĩva ko Bíbliape.
Griégope heʼi: “anticristo”, ehecha diksionário oĩva ko Bíbliape.
Ehecha “Cristo”, diksionário oĩva ko Bíbliape.