Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Corintios 3:1-18

3  Heta oĩ omondóva kárta oñepresenta térã oñeʼẽ porã hag̃ua ijehe, péro ¿tekotevẽ piko rojapo avei koʼãichagua kárta peẽme g̃uarã, térã pehai peẽ koʼãichagua kárta peñeʼẽ hag̃ua orerehe?  Peẽ voi haʼe ore kárta ojehaíva ore korasõme, oikuaa ha oleéva entéro yvyporakuéra.  Pehechauka porã peẽ haʼeha peteĩ kárta oúva Crístogui, ore voi rohai vaʼekue ore servísio rupive. Péro ndorohaíri tíntape, síno Ñandejára oikovéva espíritu rupive, ha ndahaʼéi itáre, síno pene korasõre.  Ha Cristo rupive, péicha rojerovia Ñandejárare.  Ndoroʼéi orejehegui reínte orekatupyryha rojapo hag̃ua ko tembiapo, síno Ñandejára hína upe orembokatupyrýva.  Ore orekatupyry roservi hag̃ua pe kompromíso* pyahúpe. Ndoroservíri pe Léipe*, síno espíritu sántope*. Pe Léi ningo ñanekondena ñamano hag̃ua, Ñandejára espíritu katu ñanemoingove.  Avei pe Léi oporojukáva ha ojehai vaʼekue itáre, oñemeʼẽ tekomimbipa reheve, ha upévare umi Israel raʼykuéra ndaikatúi vaʼekue omaña Moisés rováre, omimbipa rupi. Upe tekomimbipa upéi opa vaʼerã kuri.  Pe Léi oñemeʼẽramo tekomimbipa reheve, ¿mbaʼére piko upéicharõ pe espíritu noñemeʼẽmoʼãi tuichave tekomimbipa reheve?  Pe Léi okondenáva kuimbaʼekuérape omimbipáramo, koʼýte upéicharõ tuichave omimbíta pe tembiapo oipytyvõva umi héntepe hekojoja hag̃ua. 10  Añetehápe, pe Léi operde pe tekomimbipa tuichaitéva oreko vaʼekue, tuichave rupi pe tekomimbipa oúva upe rire. 11  Pe Léi oñehundítaramo jepe, oñemeʼẽ vaʼekue tekomimbipa reheve, koʼýte upéicharõ oñemeʼẽ tuichave tekomimbipa reheve pe kompromíso pyahu ndopamoʼãiva. 12  Upéicharamo, roguereko rupi upe esperánsa, roñeʼẽ hína kyhyjeʼỹre. 13  Ha ndorojapói Moisés ojapo haguéicha, haʼe ojahoʼi vaʼekue hova peteĩ páñope, ani hag̃ua umi Israel raʼykuéra omaña pe Léi rehe, upe rire opáta vaʼekue. 14  Péro haʼekuéra ndaikatúi vaʼekue ontende. Ha koʼag̃aite peve ojelee jave pe kompromíso yma guare, upe páño osegi omoʼã chupekuéra, pe páño ojepeʼa rupi Cristo rupivénte. 15  Añetehápe, koʼag̃aite peve ojelee jave Moisés ohai vaʼekue, peteĩ páño oĩ ikorasõnguéra ári. 16  Péro oĩ jave ojevýva Jehová* rendápe, upe páño ojepeʼa. 17  Jehová hína peteĩ Espíritu; ha oĩháme Jehová espíritu sánto, upépe oĩ liverta. 18  Ha enterove jaipeʼáma rupi pe páño omoʼãva ñande rova, jahechauka Jehová rekomimbipa peteĩ espéhoicha. Jajapóvo upéva ñakambia jahávo jajoguave hag̃ua chupe ha jahechaukave hekomimbipa. Jehová* voi upe ñanepytyvõva ñakambia hag̃ua.

Nóta

Térã: “pákto ỹrõ kontráto”.
Ehecha “Léi”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.
Ehecha Informasión Oĩvéva 1.
Térã: “Jehová, haʼéva peteĩ Espíritu”.