Ehecha oĩva pype

Ehecha oĩva pype

2 Corintios 2:1-17

2  Koʼág̃a che adesidi ko mbaʼe: ndaipotái peñeñandu vai ág̃a aha jey vove pene rendápe.  Che káusare peẽ peñembyasýramo, ¿máva piko upéicharõ chembovyʼavéta, ndahaʼéiramo upe che amoñembyasy vaʼekue?  Upévare ahai kuri peẽme, ani hag̃ua ág̃a aha vove, añembyasy pende káusare avyʼa rangue pendereheve. Che ajerovia umi mbaʼe chéve chembovyʼáva, peẽme avei penembovyʼaha.  Heta ningo ahasa asy, añembyasy ha che resay che rováre ahai kuri peẽme. Ndajapói upéva peñembyasy hag̃ua, síno peikuaa hag̃ua mbaʼeichaitépa pohayhu.  Oiméramo oĩ penemoñeñandu vaíva, ndahaʼéi chéve la nachembovyʼáiva, síno peẽme. Péro ndaikoséi ambopukueterei ko mbaʼe.  Pende apytégui heta oĩ omongavaju vaʼekue upe kuimbaʼépe, ha ovalémante upéva.  Koʼág̃a katu peẽ pyʼaporãme peperdona vaʼerã pe kuimbaʼépe, ha pekonsola chupe. Ani ág̃a upéi haʼe opyta yvýre ojahoʼígui chupe mbaʼembyasy.  Upévare ajerure jey jey peẽme: pehechauka porãkena pehayhuha chupe.  Ha upévare ahai kuri peẽme, aikuaa hag̃ua pehechaukátapa peneñeʼẽrenduha opa mbaʼépe. 10  Upe peẽ peperdonávape, che avei aperdona. Añetehápe che aperdona jave peteĩ mbaʼe (oimérõ aperdona raʼe peteĩ mbaʼe), ajapo ideprovécho hag̃ua peẽme, ha ajapo upéva Cristo* renondépe. 11  Tekotevẽ jajapo upéva ani hag̃ua Satanás* ipuʼaka ñanderehe, ñande ningo jaikuaa porãiterei umi ñuhã haʼe oiporúva. 12  Che ag̃uahẽrõ guare Tróaspe aikuaauka hag̃ua umi marandu porã* oñeʼẽva Crístore, ojavri chéve peteĩ okẽ ñande Ruvicha servísiope. 13  Upérõ che ajepyʼapyeterei ndajuhúi haguére che ermáno Títope. Upévare ajedespedi umi ermánogui ha aha Macedonia gotyo. 14  Péro aagradese Ñandejárape; haʼe ningo akóinte ñandegueraha Cristo ndive umi soldádoicha oúva hína ogana rire peteĩ gérra. Haʼe ojevale ñanderehe opárupi iñasãi hag̃ua peteĩ mbaʼe hyakuã asývaicha umi marandu oñeʼẽva hese. 15  Ñandejárape g̃uarã hyakuã asy pe notísia oñeʼẽva Crístore ha ñande avei ñaneryakuã porã. Umi ojesalvátava ha umi oñehundítava ohetũ avei ko mbaʼe. 16  Umi oñehundítavape g̃uarã hyakuã vai ha ohechauka chupekuéra omanotaha. Umi ojesalvátavape g̃uarã katu hyakuã porã ha ohechauka chupekuéra oikovetaha. ¿Ha mávapa ikatupyry ojapo hag̃ua koʼã mbaʼe? 17  Ñande ningo ikatu jajapo, ndajaikóigui jakovra ñande rapichápe Ñandejára Ñeʼẽre, oĩháicha heta ojapóva. Ñande hína Cristo disípulo* ha Ñandejára rembijokuái, upévare japredika pe añeteguánte, ha jajapo ko tembiapo Ñandejára renondépe.

Nóta

Ehecha “Cristo”, diksionário oĩva ko Bíbliape.
Ehecha “Satanás”, diksionário oĩva ko Bíbliape.
Ehecha “Marandu Porã”, diksionário oĩva ko Bíbliape.
Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.