Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Corintios 13:1-14

13  Koʼág̃a tres veseháma ajeprepara aha hag̃ua pene rendápe. “Mokõi térã mbohapy testígo heʼíva rupive ojekuaa vaʼerã añetépa opa ojeʼéva.”  Jepe koʼág̃a naiméi penendive, haʼete aiméva upépe dos veseha. Ha aavisa jeýta umi opeka vaʼekuépe ymave ha enterove umi ótrope: peichahágui aha jeýramo pene rendápe, akorrehíta chupekuéra ha ni peteĩva ndojesalvamoʼãi upévagui.  Péicha ahechaukáta peẽme Cristo* oñeʼẽha che rupive. Cristo naikangýi penendive, imbarete guei pende apytépe.  Añetehápe chupe oñemosaingo yvyráre ikangy rupi, péro oikove Ñandejára podér rupive. Añetehápe, ore orekangy avei hendive, péro roikóta oñondivepa hendive, Ñandejára podér oĩgui pende ári.  Pesegíkena pejesareko pendejehe pehecha hag̃ua peñakarama hatãpa pende jeroviáre. Pehechauka memékena mbaʼeichagua persónapa peẽ. ¿Térã piko ndapehechakuaái Jesucristo ojoajuha penendive? Péro Ñandejára napendeguerohorýiramo, Cristo ndojoajumoʼãi penendive.  Añetehápe hiʼãite chéve pehechakuaa Ñandejára oreguerohoryha.  Koʼág̃a roñemboʼe Ñandejárape, ani hag̃ua peẽ pejapo ivaíva; ndahaʼéi umi hénte opensa hag̃ua Ñandejára oreguerohoryha oréve, síno peẽ pejapo hag̃ua iporãva oĩramo jepe ndaoreguerohorýiva.  Ore ndaikatúigui rojapo mbaʼeve pe añetegua kóntrape, síno pe añetegua rehehápente.  Añetehápe ore rovyʼa orekangýramo, peẽ penembaretéma guive; ha roñemboʼe jave rojerure ko mbaʼe: peẽ pekorrehi hag̃ua pepensa lája. 10  Upévare ahai peẽme koʼã mbaʼe naiméi aja penendive; upéicha ág̃a aime vove penendive natekotevẽmoʼãi che po pohýi aiporúvo pe autorida omeʼẽ vaʼekue chéve ñande Ruvicha. Haʼéngo omeʼẽ chéve pe autorida pomombarete hag̃ua ha ndahaʼéi poity hag̃ua yvýre. 11  Ipahápe che ermanokuéra, pesegíkena pevyʼa, pekorrehi pepensa lája, peñokonsola, peñemoĩ peteĩ ñeʼẽme ha peiko pyʼaguapýpe; ha Ñandejára oporohayhúva ha omeʼẽva pyʼaguapy oĩta penendive. 12  Pejosaludávo peñohetũ*. 13  Opavave imarangatúva oguerahauka peẽme salúdo. 14  Ñande Ruvicha Jesucristo taimbaʼeporãite* penendive; ha Ñandejára mborayhu ha ijespíritu sánto* toĩ penendive.

Nóta

Ehecha “Cristo”, diksionário oĩva ko Bíbliape.
Griégope heʼi: “ñehetũ marangatu”. Péicha ojosaluda vaʼekue kristianokuéra ojotopa jave.
Térã: “tohechauka peẽme mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.