Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

2 Corintios 10:1-18

10  Che, Pablo, añetehápe aipota pejapo umi mbaʼe haʼéva peẽme. Añeʼẽvo ahaʼanga hína Crístope, haʼe hekomirĩ ha imbaʼeporã. Péro pende apytépe oĩ heʼíva chekangyha aime jave penendive, ha ahai jave umi kárta katu chepyʼaguasuha.  Hiʼãite chéve oñesolusionáma ko mbaʼe, ani hag̃ua ág̃a aha vove pene rendápe aiko akorrehi umi opensávape ore roikoha ko múndope* ojeikoháicha.  Jepe ore yvypóra reínte, noroñorairõi yvyporakuéra ojapoháicha.  Umi árma roiporúva roñorairõ hag̃ua ndahaʼéi ko mundopegua, síno oreko Ñandejára podér, ohundi hag̃ua umi mbaʼe hapo pypukúva.  Roity yvýre umi pensamiénto japu ha opa mbaʼe ijyvatéva ha ojokóva umi héntepe oikuaa hag̃ua Ñandejárape; entéro pensamiénto roguereko ore poguýpe peteĩ présoicha, ikatu hag̃uáicha iñeʼẽrendu Crístope.  Rojeprepara rokastiga hag̃ua oimeraẽ naiñeʼẽrendúivape, ág̃a pehechauka vove peneñeʼẽrenduha opa mbaʼépe.  Peẽ pehusga umi héntepe ipíntare. Oĩramo heʼíva ijehe haʼeha Cristo segidór, tojepyʼamongeta ko mbaʼére: haʼe haʼeháicha hína Cristo segidór, ore upéichante avei.  Añembotuicháramo jepe michĩmi, che nañemotĩmoʼãi upe haguére; ñande Ruvicha omeʼẽgui chéve ko autorida pomombarete hag̃ua ha ndahaʼéi poity hag̃ua.  Haʼe peẽme ko mbaʼe ani hag̃ua pepensa che pomongyhyjeseha che kartakuéra rupive. 10  Haʼekuéra heʼígui: “Ikartakuérape ningo haʼe iñeʼẽkuaa, ojeguerovia hag̃uáicha voi la heʼíva, oĩ* jave ñanendive katu ichavi ha vyrorei la heʼíva”. 11  Upe kuimbaʼe topensami ko mbaʼére: ore roʼéva umi kártape noroiméi aja, upeichaite avei rojapóta roime vove penendive. 12  Ore ndoroʼemoʼãi rojoguaha umi kuimbaʼe oñembotuichávape ha ndoroikomoʼãi roñembojoja hesekuéra. Haʼekuéra ningo oiporu umi mbaʼe opensáva oĩ porãha ojehusga hag̃ua ijupekuéra voi, ha upéva ohechauka nontendeiha hikuái mbaʼeve. 13  Ore noroñembotuichái umi mbaʼe rojapoʼỹ vaʼekuére, síno roñembotuichátante pe tembiapo Ñandejára omeʼẽ vaʼekuére oréve, ha upévape peẽ peike avei. 14  Rohórõ guare pene rendápe, ore rojapo Ñandejára heʼi vaʼekue orévente, ha ore raẽvete roikuaauka peẽme umi marandu porã* oñeʼẽva Crístore. 15  Oréngo roñembotuicha ore rojapóvare, ndahaʼéi ótro ojapóvare. Roipotaite ningo pejeroviave pehóvo, ikatu hag̃uáicha pemombaʼe ore rembiapokue. Upéicha ore rojapovéta upe rojapóvagui, 16  roikuaauka hag̃ua umi marandu porã umi tetã oĩvare mombyryve pendehegui. Ani hag̃ua roñembotuicha umi mbaʼe ojejapóma vaʼekuére território ahénope. 17  “Pe oñembotuicháva, toñembotuicha Jehová* rehe.” 18  Cháke Jehová ombotuicha pe kuimbaʼe haʼe oguerohorývape, upe oñembotuichávape katu nahániri.

Nóta

Ehecha “Múndo”, diksionário oĩva ko Bíbliape.
Griégope heʼi: “ipresénsia”. Ehecha “Presénsia”, Informasión Oĩvéva 5-pe.
Ehecha “Marandu Porã”, diksionário oĩva ko Bíbliape.
Ehecha Informasión Oĩvéva 1.