Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Timoteo 3:1-16

3  Ko haʼéva ningo añete: Peteĩ kuimbaʼe oñehaʼãmbaitéramo oservi ansiánoramo*, ojapose hína peteĩ tembiapo iporãitereíva.  Pe ansiáno ndorekói vaʼerã mbaʼeve ivaíva ojeʼe vaʼerã hese, peteĩnte hembireko vaʼerã, ojejokokuaa vaʼerã opa mbaʼépe, iñakãguapy vaʼerã, oiko vaʼerã hekópe, orresivi porã vaʼerã enterovépe, ikatupyry vaʼerã oporomboʼe hag̃ua,  ndovaléi ikaʼu, ni omaltrata ótrope, noñemohatãi vaʼerã haʼe heʼívapente, ndoikói vaʼerã oñorairõse, ndovaléi iplatarayhu,  omoakã porã vaʼerã hogapy, ha ifamiliakuéra iñeʼẽrendu ha ojeporta porã vaʼerã.  (Añetehápe, peteĩ kuimbaʼe ndoikuaáiramo mbaʼéichapa omoakãta hogapy, ¿mbaʼéicha piko oñangarekóta Ñandejára kongregasión* rehe?)  Ndahaʼéi vaʼerã peteĩ disípulo* pyahu, ani hag̃ua oñemombaʼeguasu ha oñekondena chupe, Añáme* oñekondenaháicha.  Avei umi hénte okapegua oñeʼẽ porã vaʼerã hese, ani hag̃ua haʼekuéra okopi hese ha haʼe hoʼa pe Aña ñuhãme.  Umi siérvo ministeriál* avei iñakãguapy vaʼerã, ndovaléi hovamokõi, ni omokõiterei, ni itaryrýigui oiko ojaprovechase ótrore ha ipokarẽ;  ha konsiénsia* potĩ reheve oñakarama hatã vaʼerã pe jeroviáre, haʼéva hína peteĩ sekréto marangatu*. 10  Tekotevẽ avei ojehecha porã raẽ ikatupyrýpa ojapo hag̃ua upe tembiapo, ha ndaipóriramo mbaʼeve ivaíva ojeʼe vaʼerã hesekuéra, ikatu oservi siérvo ministeriálramo. 11  Umi kuña avei iñakãguapy vaʼerã, ndovaléi otaky hapicháre, ojejokokuaa vaʼerã opa mbaʼépe, ha ohechauka vaʼerã ijerovia opa mbaʼe ojapóvape. 12  Umi siérvo ministeriál peteĩnte hembireko vaʼerã, omoakã porã vaʼerã ifamiliakuérape ha hogapy. 13  Umi kuimbaʼe ojapo porãva hembiapo ningo herakuã porã, ha ikatu oñeʼẽ kyhyjeʼỹme pe jerovia orekóvare Cristo* Jesús rehe. 14  Ahai ndéve koʼã mbaʼe, jepe ahase voi ne rendápe koʼẽrõite. 15  Péro cheʼaremiéramo, nde reikuaa mbaʼéichapa rejeporta vaʼerã Ñandejára rógape, haʼéva Ñandejára oikovéva kongregasión. Pe kongregasión ningo omopyenda ha ojoko pe añetegua. 16  Ñande ñamombaʼeguasu Ñandejárape ñande pyʼaite guive, ha upéva añetehápe peteĩ sekréto tuichaitereíva: ‘Jesús ojehechauka yvypóraicha, ojeʼe hese hekojojaha oiko jeýrõ guare chugui peteĩ espíritu, haʼe ojehechauka umi ánhelpe, oñeñeʼẽ hese umi tetãnguérarupi, oĩ ojeroviáva hese ko múndope*, ha ojerresivi chupe yvate tekomimbipa reheve’.

Nóta

Térã: “peteĩ omoakãva ha oñangarekóva”. Ehecha “Ansiáno”, diksionário oĩva ko Bíbliape.
Ehecha “Kongregasión”, diksionário oĩva ko Bíbliape.
Térã: “temimboʼe, alúmno”. Péicha oñehenói umi oaprendévape térã oñembokatupyrývape ojapo hag̃ua peteĩ mbaʼe.
Térã: “Diablo”, ehecha diksionário oĩva ko Bíbliape.
Ehecha “Siérvo Ministeriál”, diksionário oĩva ko Bíbliape.
Ehecha “Konsiénsia”, diksionário oĩva ko Bíbliape.
Ehecha “Sekréto Marangatu”, diksionário oĩva ko Bíbliape.
Ehecha “Cristo”, diksionário oĩva ko Bíbliape.
Ehecha “Múndo”, diksionário oĩva ko Bíbliape.