Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Timoteo 2:1-15

2  Tenondete ajerure enterovépe peñemboʼe hag̃ua opaichagua tapicháre, pejerure asýke pende rapichakuéra rehehápe, ha akóinte peagradese Ñandejárape.  Peñemboʼe avei umi rréi ha mburuvichakuéra rehehápe, péicha ikatúta jaiko trankílo porãnte pyʼaguapýpe, jasegíta jaservi Ñandejárape ha jajapóta opa mbaʼe hekopete.  Ñandejára haʼéva ñande Salvadór, oguerohory ha ohecha iporãha ko mbaʼe:  haʼe oipota opaichagua tapicha ojesalva ha oikuaa porã pe añetegua.  Ñandejára ningo peteĩnte, ha peteĩnte ñane mediadór*, omoingo porãva yvyporakuérape Ñandejárandi, upe kuimbaʼe haʼe Cristo* Jesús.  Haʼe omeʼẽ hekove opavavére, opagapaite* hag̃ua upe ojeperde vaʼekuére..., ha ko mbaʼére oñeñeʼẽ vaʼerã og̃uahẽ vove itiémpo.  Aikuaauka hag̃ua ko mbaʼe, Ñandejára cheporavo apredika ha aservi hag̃ua apóstolramo* (che ndachejapúi, añeteguánte haʼe) ha amboʼe hag̃ua tetãnguérape jerovia ha añetegua.  Upévare aipotaite opa lugárpe, umi kuimbaʼe iñeʼẽrendúva Ñandejárape tohupi ipo ha toñemboʼe meme, ha ani ipochy ha oiko vai.  Upéicha avei aipota umi kuña oñemoporã jave, toñemonde hekópe ha taiñakãguapy, ani otrensa iñakãrague ni oiporu óro, pérla ni ao hepyetereíva. 10  Upéva rangue oiko vaʼerã hikuái umi kuña omombaʼeguasúva Ñandejárape oikoháicha, ha péicha umi tembiapo porã rupive haʼekuéra ikatu oñemoporã. 11  Pe kuña ani oñeʼẽ, toaprende guei kirirĩháme ha toñemoĩ kuimbaʼekuéra poguýpe. 12  Che ndahejái umi kuña oporomboʼe ni omanda kuimbaʼére, síno opyta vaʼerã kirirĩháme; 13  Adánpe raẽ ojejapo rupi, ha upéi Évape. 14  Avei Adánpe noñembotavýi, síno Évape la oñembotavy vaʼekue, ha haʼe opeka. 15  Upéicharõ jepe, pe kuña ojesalva vaʼerã imemby rupi, haʼe oikóma guive jerovia, mborayhu, tekomarangatu ha akãguapýpe.

Nóta

Ehecha “Mediadór”, diksionário oĩva ko Bíbliape.
Ehecha “Cristo”, diksionário oĩva ko Bíbliape.
Térã: “orreskata”. Ehecha “Rreskáte”, diksionário oĩva ko Bíbliape.
Ehecha “Apóstol”, diksionário oĩva ko Bíbliape.