Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Timoteo 1:1-20

1  Che, Pablo, aservi Cristo* Jesús apóstolramo*. Upéva oiko oipotágui Ñandejára, haʼéva ñande Salvadór; ha Cristo Jesús, haʼéva ñane esperánsa.  Amondo ko kárta Timotéope, che raʼy ahayhuetéva ñande Ruvicha servísiope: Aipotaite ñande Ru Ñandejára ha ñande Ruvicha Cristo Jesús taimbaʼeporã nendive, tandeporiahuvereko ha tomeʼẽ ndéve pyʼaguapy.  Ahátarõ guare Macedóniape romokyreʼỹ kuri repyta hag̃ua Éfesope, péicha avei koʼág̃a haʼe ndéve reñemoñeʼẽ hag̃ua umi oikóvape omboʼe japu, ha emanda chupekuéra anive hag̃ua ojapo upéva.  Anive opena hikuái umi kuénto reíre ni umi lívrore oĩháme ñande ypykuéra réra, cháke umíva ndoguerúi mbaʼeve iporãva. Haʼekuéra operde rei itiémpo ohechávo umi mbaʼe, oheka rangue umi mbaʼe oúva Ñandejáragui ha omombaretétava ijerovia.  Añetehápe, ñakumplíramo koʼã mbaʼe ikatúta ñane korasõ ha ñanekonsiénsia* potĩ ha jajerovia tovamokõiʼỹre, ha upéva ñanemomýita japorohayhu hag̃ua.  Ojei rupi koʼã mbaʼégui, oĩ oñemomombyrýva ha oiko oñeʼẽ rei.  Koʼãva omboʼese pe Léi*, ha oñemohatã umi mbaʼe omboʼévape, péro ni haʼekuéra nontendéi la heʼíva.  Ñande jaikuaa pe Léi iporãitereiha ñakumplíma guive hekopete,  ha jahechakuaa pe léi noñemeʼẽi hague umi hekojojávape g̃uarã síno umi iñañávape*, oikóva iñakãre, hembiapo vaíva, pekadór, oporombotavýva, ndorrespetáiva umi mbaʼe oúva Ñandejáragui, ojukáva itúvape, ojukáva isýpe térã ótrope, 10  hekovaíva*, kuimbaʼe oikóva kuimbaʼéndi, oporosekuestráva, ijapúva, ohura reipáva, ha oimeraẽ oñemoĩva umi ñeʼẽ porã Cristo omboʼe vaʼekuére. 11  Ha umi ñeʼẽ porã Cristo omboʼe vaʼekue, oĩ umi marandu porã* ojajaipáva apytépe; ha Ñandejára ovyʼáva oheja vaʼekue che kárgope aikuaauka hag̃ua umi marandu. 12  Aagradeseterei ñande Ruvicha Cristo Jesúspe, haʼe omeʼẽ chéve podér ha ojerovia rupi cherehe oheja che kárgope ajapo hag̃ua peteĩ tembiapo. 13  Yma che ataky* vaʼekue Ñandejárare, apersegi ipuévlope ha akopi hesekuéra. Péro che ndaikuaáiguinte ajapo ha ndajeroviái rupi, upévare Cristo cheporiahuvereko. 14  Ñande Ruvicha katu imbaʼeporãiterei chendive ha asegi rupi Cristo Jesúspe che ajerovia ha aporohayhu. 15  Ko haʼéva ningo añete ha ikatu pejerovia hese: Cristo Jesús ou ko múndope* osalva hag̃ua umi pekadórpe. Umíva apytégui che hína pe ipekádo hetave vaʼekue. 16  Upéicharõ jepe Cristo cheporiahuvereko, hiʼarive che hína pe ipekádo hetave vaʼekue. Péicha che rupive Cristo Jesús ikatu ohechauka ipasiensiaitereiha. Péva peteĩ ehémplo entéro umi ojeroviávape hese ha ohupytyséva jeikove opaveʼỹva. 17  Koʼág̃a toñemombaʼe ha toñembotuicha opaite árare Ñandejára peteĩetévape, haʼe hína Rréi opa ára g̃uarã, oikovéva opa árare, ha avave ndaikatúi ohecha chupe. Taupéicha*. 18  Timoteo, nde hína che raʼy ahayhuetéva ha koʼã mbaʼe haʼéva aheja nde kárgope, péicha voi heʼi umi profesía* ojeʼe vaʼekue nderehe, ikatu hag̃uáicha umíva rupive nde resegi reñorairõ pe ñorairõ iporãva. 19  Esegíkena ejerovia ha nekonsiénsia potĩ; oĩ ningo heta omboykéva upéva ha ijerovia oñehundi, peteĩ várko ojejosóva itáre oñehundiháicha. 20  Umíva apytépe oĩ Himeneo ha Alejandro, chupekuéra che ameʼẽma Satanáspe*, ikatu hag̃uáicha ojekorrehi ha oaprende hikuái ndovaleiha otaky Ñandejárare.

Nóta

Ehecha “Cristo”, diksionário oĩva ko Bíbliape.
Ehecha “Apóstol”, diksionário oĩva ko Bíbliape.
Ehecha “Konsiénsia”, diksionário oĩva ko Bíbliape.
Ehecha “Léi”, diksionário oĩva ko Bíbliape.
Térã: “pe kuimbaʼe oñemoĩva pe Léi rehe”.
Ehecha “Tekovai”, Informasión Oĩvéva 4-pe.
Ehecha “Marandu Porã”, diksionário oĩva ko Bíbliape.
Ehecha “Blasfemia”, diksionário oĩva ko Bíbliape.
Ehecha “Múndo”, diksionário oĩva ko Bíbliape.
Térã: “Amén”.
Ehecha “Profesía”, diksionário oĩva ko Bíbliape.
Ehecha “Satanás”, diksionário oĩva ko Bíbliape.