Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Tesalonicenses 5:1-28

5  Che ermanokuéra, natekotevẽi ahai peẽme peikuaa hag̃ua arakaʼépa oikóta umi mbaʼe térã mbaʼe tiémpopa ojeporavo upearã.  Peẽ peikuaa porã Jehová* ára ouha peteĩ mondaháicha oúva pyharekue.  Umi hénte heʼi vove: “¡Jaikóma pyʼaguapýpe ha kyhyjeʼỹme!”, upepete oimoʼãʼỹve jave oñehundíta hikuái, peteĩ kuña hasyháicha imemby hag̃ua; ha ni mbaʼevéicharõ ndojesalvamoʼãi hikuái.  Péro peẽ che ermanokuéra napeiméi pytũmbýpe umi mondaháicha, upévare upe día nog̃uahẽmoʼãi pende ári peimoʼãʼỹve jave,  peẽ peporohesapégui ha peiko rupi arakuépe. Ñande ningo ndajaikói pytũmbýpe ni pyharekue.  Upéicharõ, anivéke jake umi ótro ojapoháicha, japyta guei japayhápe ha akóinte ñapensa hekopete.  Umi okéva, oke jepi pyharekue; ha umi okaʼúva, okaʼu jepi pyharekue.  Péro ñande jaikóva arakuépe ñapensa vaʼerã hekópe ha ñamoʼã ñande pytiʼa jerovia ha mborayhúpe. Avei ñapensa meme vaʼerã pe salvasión rehe, upéva omoʼãgui ñane akã peteĩ káskoicha.  Ñandejára ñandeporavo ndahaʼéi ñandekastiga* hag̃ua, síno ñandesalva hag̃ua ñande Ruvicha Jesucristo ojapo vaʼekue rupive. 10  Haʼe omano ñanderehehápe ikatu hag̃uáicha akóinte jaiko hendive, jaikove térã ñamanóramo jepe. 11  Upéicharõ, pesegíkena peñomokyreʼỹ ha peñomombarete, pejapoháicha voi peikóvo. 12  Koʼág̃a rojerure peẽme ermanokuéra, perrespeta hag̃ua umi ombaʼapo jejopývape pende apytépe, oñemoñeʼẽva peẽme ha penemoakãva ñande Ruvicha rembiapópe. 13  Pehechaukákena peguerohoryeterei ha pehayhuha chupekuéra ombaʼapoiterei haguére. Peikókena pyʼaguapýpe oñondivepa. 14  Ermanokuéra, peẽme katu roʼe jey jey: peñemoñeʼẽ mbaretékena umi naiñeʼẽrenduséivape, pemokyreʼỹkena pene ñeʼẽ rupive umi oñeñandu vaietereívape, peipytyvõkena umi ikangývape ha penepasiénsiakena enterovére. 15  Aníke avave omyengovia ivaíva ivaívape, upéva rangue pesegíkena peheka iporãtava pene ermanokuéra ha enterove umi ótrope g̃uarã. 16  Akóintekena pesegi pevyʼa. 17  Peñemboʼe jey jeýkena. 18  Peagradesékena Ñandejárape opa mbaʼére. Péva hína Ñandejára rembipota Cristo* Jesús segidorkuérape g̃uarã. 19  Aníkena pembogue pe espíritu rata. 20  Aníkena peapoʼi umi profesía*. 21  Pehechákena añetépa hína opa mbaʼe; peñakarama hatãkena iporãvare. 22  Pemboykékena opaichagua mbaʼe vai. 23  Aipotaite Ñandejára omeʼẽva pyʼaguapy, tapenemomarangatu peservi hag̃ua chupe. Avei ñande Ruvicha Jesucristo oĩ* aja, aipota pende espíritu, pende rekove* ha pende rete akóinte taijoheipyre ha tahesãi opa mbaʼépe. 24  Upe pendeporavo vaʼekue nopyrũi iñeʼẽre, ha haʼe katuete ojapóta heʼi vaʼekue. 25  Ermanokuéra, pesegíkena peñemboʼe orerehe. 26  Pesaludávo enterove ermánope, peñohetũ*. 27  Ajerure jey jey peẽme ñande Ruvicha réra rehe, ko kárta ojelee hag̃ua entéro ermanokuérape. 28  Ñande Ruvicha Jesucristo taimbaʼeporã* penendive.

Nóta

Ehecha Informasión Oĩvéva 1.
Griégope heʼi: “ohechauka hag̃ua ipochyha”.
Ehecha “Cristo”, diksionário oĩva ko Bíbliape.
Ehecha “Profesía”, diksionário oĩva ko Bíbliape.
Griégope heʼi: “presénsia”, ehecha Informasión Oĩvéva 5.
Griégope heʼi: “pene álma”. Ehecha “Álma”, Informasión Oĩvéva 7A-pe.
Griégope heʼi: “ñehetũ marangatu”. Péicha ojosaluda vaʼekue kristianokuéra ojotopa jave.
Térã: “tohechauka peẽme mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.