Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Tesalonicenses 3:1-13

3  Upévare, ndaikatuvéimarõ roaguanta, ropensa iporãvetaha ropytánte Aténaspe.  Ha romondo pene rendápe Timotéope, ñane ermáno oservíva Ñandejárape oikuaauka hag̃ua umi marandu porã* oñeʼẽva Crístore*. Haʼe oho penemombarete ha penekonsola hag̃ua. Péicha pende jerovia imbaretevéta,  ani hag̃ua avave ikangy umi jehasa asy káusare. Peẽ ningo peikuaa voi entéro jahasa vaʼerãha koʼã mbaʼére.  Añetehápe, roimérõ guare penendive ore roʼéma vaʼekue voi peẽme entéro jahasa asy vaʼerãha. Peẽ peikuaaháicha, ore rohasa kuri umi mbaʼére.  Upéicha rupi ndaikatuvéimarõ aaguanta, amondo Timotéope, aikuaa hag̃ua pejerovia mbaretépa hína. Cháke ikatu kuri pe Aña* oñehaʼã pendereity iñuhãme ha opyta rei la ore rembiapo.  Koʼág̃a katu Timoteo ou ramoite ore rendápe, ogueru oréve notísia iporãitereíva pendehegui: omombeʼu mbaʼéichapa pejerovia mbarete ha peporohayhu. Heʼi avei akóinte penemanduʼa porãha orerehe ha orerechaseha, ore pohechaseháicha avei.  Upévare che ermanokuéra, ore rohasa asy ha rojejopy vaíramo jepe, tuichaiterei roñekonsola peẽ pejerovia mbarete rupi.  Peẽ pejepytaso mbarete rupi ñande Ruvicha servísiope, ore orekyreʼỹ ha roikove jey.  Añetehápe roagradese Ñandejárape penderehe, peẽ ningo tuichaiterei orembovyʼa. 10  Ára ha pyhare roñemboʼe ore pyʼaite guive rohoségui pene rendápe, ikatu hag̃uáicha poipytyvõ imbareteve hag̃ua pende jerovia. 11  Aipotaite ñande Ru Ñandejára ha ñande Ruvicha Jesús orepytyvõ, ikatu hag̃uáicha rog̃uahẽ pene rendápe. 12  Ñande Ruvicha tapenemyenyhẽ mborayhúgui, péicha ore pohayhuháicha pejoayhuvéta kongregasiónpe* ha pehayhuvéta enterovépe. 13  Ha avei haʼe omombaretéta pende pyʼapy, penemomarangatúta ha avave ndorekomoʼãi heʼi vaʼerã penderehe ñande Ru Ñandejára renondépe, ñande Ruvicha Jesús oĩ* aja entéro umi imarangatúva ndive.

Nóta

Ehecha “Marandu Porã”, diksionário oĩva ko Bíbliape.
Ehecha “Cristo”, diksionário oĩva ko Bíbliape.
Térã: “Diablo”, ehecha diksionário oĩva ko Bíbliape.
Ehecha “Kongregasión”, diksionário oĩva ko Bíbliape.
Griégope heʼi: “presénsia”, ehecha Informasión Oĩvéva 5.