Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Pedro 4:1-19

4  Upéicharõ, Cristo* ohasa asy rupi yvypóraicha, peẽ avei peñehaʼãkena pepensa Cristo opensa haguéicha. Pe ohasa asýva yvypóraicha ndopekavéima,  haʼe oikove aja ndojapovéima yvyporakuéra oipotáva, síno Ñandejára rembipota.  Yma peẽ peiporu hetaiterei tiémpo pejapo hag̃ua umi hénte ko mundopegua* rembipota. Upérõ penerembiapo vai petĩʼỹre*, pejapose tarovaite ivaíva, pemokõrasa, pefarrea itarovávaicha, pejapo fiésta pekaʼu hag̃ua ha pejapo heta mbaʼe ivaietereíva pemombaʼeguasu hag̃ua taʼangakuéra*.  Umi hénte nontendéi mbaʼérepa peẽ ndapesegíri pejapo umi mbaʼe ivaietéva hendivekuéra, ha upévare okopi penderehe hikuái.  Péro koʼã hénte ojecháta Crístondi, haʼe hína upe ohusgátava umi oikovévape ha omanóvape.  Añetehápe, upévare umi marandu porã* ojekuaauka umi omanóvape, upéicha ojehusgáramo jepe chupekuéra yvyporakuérape ojehusgaháicha, ikatúta oiko hikuái Ñandejára espíritu poguýpe.  Cháke hiʼag̃uimbaitéma pe ára opa mbaʼe oñemohuʼã hag̃ua. Upévare peneakãguapýkena ha pejepreparáke peñemboʼe meme hag̃ua.  Péro koʼýte pejoayhueterei vaʼerã, pe mborayhu omoʼãgui hetaiterei pekádo.  Pejorresivi porãke pejeplageaʼỹre. 10  Ñandejára omeʼẽ káda únope peteĩ rregálo*, ha oñemeʼẽ haguéicha peẽme, peiporupaitékena upéva peservi hag̃ua ótrope. Peẽ ningo tembiguái* katupyry, perekóva pende kárgope Ñandejára mbaʼeporã ijojahaʼỹva*, haʼe ohechaukáva heta hendáicha. 11  Oĩramo oñeʼẽva, oñeʼẽ vaʼerã omombeʼuramoguáicha Ñandejára marandukuéra; oĩramo oservíva ótrope, oiporu vaʼerã pe mbarete Ñandejára omeʼẽva, ikatu hag̃uáicha opa mbaʼépe oñembotuicha Ñandejárape, Jesucristo rupive. Imbaʼe hína tekomimbipa ha podér opa ára g̃uarã. Taupéicha*. 12  Che ermanokuéra ahayhuetéva, ani pehecharamo pehasa haguére koʼã mbaʼe ijetuʼuetéva ojoguáva tatápe, ha peje voi napehaʼarõiha oiko penderehe koʼã mbaʼe. 13  Upéva rangue, pevyʼa vaʼerã pehasa asy haguére Crístoicha, ikatu hag̃uáicha pevyʼaiterei avei ág̃a og̃uahẽ vove pe tiémpo ojehechauka hag̃ua hekomimbipa. 14  Peẽ pevyʼa pejejaʼóramo Cristo réra rehehápe, Ñandejára espíritu sánto* omimbipáva oĩgui pende ári. 15  Upéicharõ jepe, pende apytépe aníke avave ohasa asy oporojuka haguére, imondágui, ojapógui ivaíva, térã oñentremete rupi ótro ojapóvare. 16  Péro oĩramo ohasa asýva kristiáno* haguére ani otĩ, síno osegi vaʼerã ombotuicha Ñandejárape oikóvo peteĩ kristiánoicha. 17  Kóva hína pe tiémpo oñemoĩ vaʼekue oñepyrũ hag̃ua pe huísio Ñandejára rógape. Ha ñanderehe voi oñepyrũramo, ¿mbaʼépe piko opáta umi naiñeʼẽrendúiva Ñandejára marandu porãme? 18  “Pe kuimbaʼe hekojojáva apenaite ojesalváramo, ¿mbaʼépa oikóta pe kuimbaʼe aña ha pe pekadórgui?” 19  Upéicharõ, umi ohasa asýva ojapo haguére Ñandejára rembipota, tojapo meme iporãva ha tomoĩ hekove* Ñandejára pópe. Haʼe ningo ñande Apohare ha ikatu jajerovia hese.

Nóta

Ehecha “Cristo”, diksionário oĩva ko Bíbliape.
Ehecha “Múndo”, diksionário oĩva ko Bíbliape.
Ehecha “Conducta Desvergonzada”, diksionário oĩva ko Bíbliape.
Ehecha “Idolatría”, diksionário oĩva ko Bíbliape.
Ehecha “Marandu Porã”, diksionário oĩva ko Bíbliape.
Kóva hína pe katupyry Ñandejára omeʼẽva káda únope.
Térã: “majordómo”, ehecha diksionário oĩva ko Bíbliape.
Ehecha “Mbaʼeporã Ijojahaʼỹva”, diksionário oĩva ko Bíbliape.
Térã: “Amén”.
Ehecha “Espíritu Sánto”, diksionário oĩva ko Bíbliape.
Ehecha “Kristiáno”, diksionário oĩva ko Bíbliape.
Griégope heʼi: “hiʼálma”. Ehecha “Álma”, Informasión Oĩvéva 7A-pe.