Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Juan 1:1-10

1  Ore rohai peẽme roñeʼẽ hag̃ua upe ogueru vaʼekuére upe ñeʼẽ omeʼẽva jeikove. Haʼe oĩ vaʼekue iñepyrũ guive, ore rohecha ha rohendu vaʼekue chupe, rojesareko hese, ha ore poitépe ropoko hese.  (Añete, pe jeikove opaveʼỹva ojehechauka oréve. Ore rohecha, roikuaauka ha romombeʼu peẽme upéva. Pe jeikove opaveʼỹva ou pe Túvagui ha ojehechauka oréve.)  Umi mbaʼe rohecha ha rohendu vaʼekue roikuaauka avei peẽme, ikatu hag̃uáicha peẽ oremoirũ. Avei enterove ñande ñamoirũ pe Túva ha Itaʼýra Jesucrístope.  Upéicharõ, rohai peẽme koʼã mbaʼe ñanerenyhẽ hag̃ua vyʼágui.  Kóva hína pe marandu rohendu vaʼekue Jesúsgui ha roikuaaukáva peẽme: Ñandejára ningo peteĩ mbaʼerendy ha haʼe ndorekói mbaʼevete iñypytũva.  Jaʼéramo: “Ñande ñamoirũ chupe”, ha jasegi jaiko pytũmbýpe, upéicharõ ñandejapu ha ndajaikói pe añetegua heʼiháicha.  Péro jaikóramo mbaʼerendýpe, Ñandejára oĩháicha mbaʼerendýpe, upéicharõ jaiko porã oñondivepa ha Itaʼýra Jesús ruguy ñanemopotĩ opaichagua pekádogui.  Ñande jaʼéramo: “Ndajarekói ningo pekádo”, ñañembotavy ñandejupe voi ha ndajagueroviái pe añetegua.  Ñandejára ijeroviaha ha ihústo, upévare ñamombeʼúramo ñande pekádo haʼe ñaneperdonáta, ha ñanemopotĩta opa mbaʼe vaígui. 10  Ñande jaʼéramo: “Ñande ningo ndajapekái”, upéicha jaʼe hína Ñandejára ijapuha, ha iñeʼẽ noĩrĩ ñane korasõme.

Nóta