Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Corintios 8:1-13

8  Koʼág̃a ñañeʼẽta tembiʼu oñekuaveʼẽvare umi ñandejára guaʼúpe*, ha añetehápe enterove jaikuaa ko mbaʼe. Péro jaikuaaitereíramo heta mbaʼe ñañembotuichase, pe mborayhu katu ñanemombarete.  Oĩramo opensáva oikuaaha peteĩ mbaʼe, upéicharõ neʼĩra oikuaa porã hína.  Péro oĩramo ohayhúva Ñandejárape, haʼe oikuaa porã chupe.  ¿Ovalépa ojeʼu pe tembiʼu oñekuaveʼẽ vaʼekue umi ñandejára guaʼúpe*? Jaikuaa ningo pe ñandejára guaʼu ndahaʼeiha mbaʼevete voi, ha jaikuaa peteĩnte oĩha Ñandejára.  Hetápe oñehenói “ñandejára”, tahaʼe yvágape térã yvy ape ári, ha añetehápe umi hénte oreko heta “ñandejára” ha hetápe oreko “huvicháramo”.  Péro ñande jaikuaa peteĩnte oĩha Ñandejára teetéva. Haʼe hína ñande Ru yvagapegua, ojapo vaʼekue opaite mbaʼe, ha ñandeapo ijupe g̃uarã. Ha peteĩnte hína ñande Ruvicha, Jesucristo, Ñandejára ojevale hese ojapo hag̃ua opaite mbaʼe, ha ñande jaikove haʼe rupive.  Péro naentéroi oikuaa ko mbaʼe. Oĩ ymave omombaʼeguasu vaʼekue ñandejára guaʼúpe*, ha hoʼu jave pe tembiʼu ohecha ku oñekuaveʼẽramoguáicha umi ñandejára guaʼúpe, ha ikonsiénsia* oñemongyʼa ikangy rupi.  Pe tembiʼu ningo nañanemoag̃uíri Ñandejárare, ndajaʼúiramo ndajaperdéi mbaʼeve, ha jaʼúramo nañaganái mbaʼeve.  Péro perekóramo jepe derécho pedesidi hag̃ua, peñatendékena ani ág̃a umi mbaʼe pedesidívare pemoñepysanga umi ikangývape. 10  Nde reikuaa porãva koʼã mbaʼe, reguapýramo rekaru peteĩ ñandejára guaʼu témplope, ha nderecháramo pe ikangýva, nde káusare haʼe ikatu oñepyrũ hoʼu avei pe tembiʼu oñekuaveʼẽva umi ñandejára guaʼúpe. 11  Añetehápe, umi mbaʼe reikuaáva rehe rehundi hína pe kuimbaʼe ikangýva jerovia. Haʼe ningo ne ermáno, ha Cristo* omano vaʼekue avei hese. 12  Ha peẽ pepeka jave pene ermanokuéra kóntrape ha pembyai ikonsiénsia kangy, pepeka hína Cristo kóntrape. 13  Upévare, pe tembiʼu omoñepysangáramo che ermánope, arakaʼeve ndaʼumoʼãvéima soʼo, ani hag̃ua amoñepysanga che ermánope.

Nóta

Ehecha “Idolatría”, diksionário oĩva ko Bíbliape.
Griégope heʼi: “taʼangakuérape”.
Griégope heʼi: “taʼangápe”.
Ehecha “Konsiénsia”, diksionário oĩva ko Bíbliape.
Ehecha “Cristo”, diksionário oĩva ko Bíbliape.