Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Corintios 3:1-23

3  Peẽ che ermanokuéra, ndapeikói espíritu sánto* poguýpe, upévare añeʼẽ jave peẽme haʼete añeʼẽva umi kuimbaʼe oñemeʼẽvape hete rembipotápe, ha ojoguáva mitã opoñy ramóvape Cristo rapére.  Haʼuka kuri peẽme kamby, ndaikatúigui peʼu tembiʼu hypyʼũva penekangy rupi. Añetehápe, koʼág̃a peve penekangy gueteri,  peẽ peñemeʼẽgui pende rete rembipotápe. Oĩ aja pende apytépe envídia* ha joavy, ¿ndapeikóingaʼu piko pende rete rembipota rapykuéri ha umi hénte ko mundopegua* oikoháicha?  Oĩ jave heʼíva: “Che asegi Páblope”, ha ótro heʼi: “Che asegi Apólospe”, ¿ndapejoguáingaʼu piko umi hénte ko mundopeguápe?  ¿Mávapa upéicharõ Apolos? ¿Máva piko Pablo? Ore ningo tembijokuái rokumplíva pe tembiapo ñande Ruvicha omeʼẽ vaʼekue oréve ha upéva rupive peẽ peñepyrũ pejerovia.  Che añotỹ, Apolos orrega, péro Ñandejára hína upe omongakuaáva.  Upéicharõ pe iñimportánteva ndahaʼéi pe oñotỹva ni pe orregáva, síno Ñandejára, pe omongakuaáva.  Pe oñotỹva ha pe orregáva ombaʼapo oñondive, péro káda únope ojepagáta hembiapokuére.  Ñande ningo Ñandejára ajudánte. Peẽ haʼe Ñandejára kokue, haʼe oñemitỹva; peẽ ningo peteĩ óga Ñandejára omopuʼãva. 10  Ñandejára imbaʼeporãiterei* rupi chendive, amoĩ pe simiénto ojapoháicha peteĩ alvañíl ikatupyrýva, péro ótro omopuʼã hiʼári. Peñatendéke káda uno mbaʼéichapa pejogapo hiʼári, 11  avave ndaikatúigui omoĩ ótro simiénto, síno pe oĩmava voi, upéva hína Jesucristo. 12  Péro oĩramo ojogapóva pe simiénto ári ha oiporúva óro, pláta, ita iporãitereíva*, madéra, ñana térã kapiʼi, 13  pe tembiapo káda uno ojapo vaʼekue ojekuaáta pe ára og̃uahẽ vove. Cháke tata rupive ojehechaukáta iporã térã ivaípa káda uno rembiapokue. 14  Pe tata ndohapýiramo pe óga peteĩ tapicha omopuʼã vaʼekue simiénto ári, ojehovasáta* chupe. 15  Peteĩ tapichágui okaipaitéramo hembiapokue katu, tuichaiterei operdéta. Péro haʼe ojesalváta, ha ojoguáta peteĩ kuimbaʼe apenaite ojesalvávape tatágui. 16  ¿Ndapeikuaái piko peẽ haʼeha Ñandejára témplo, ha Ñandejára espíritu oĩha pende apytépe? 17  Oĩramo ohundíva Ñandejára témplo, Ñandejára ohundíta chupe, pe témplo imarangatu rupi, ha peẽ hína pe témplo. 18  Ani peñembotavy pendejupe: Pende apytépe oĩramo oimoʼãva iñaranduha ko múndo resa renondépe, toiko iñaranduʼỹvaicha, ikatu hag̃uáicha iñarandu. 19  Ko mundopegua arandu vyroreiete Ñandejárape g̃uarã, ojehaiháicha: “Haʼe oity umi iñarandúvape, umi ñuhã haʼekuéra voi omoĩvape”. 20  Ha heʼi jey: “Jehová* oikuaa ndovaleiha mbaʼeverã umi mbaʼe opensáva umi kuimbaʼe arandu”. 21  Upévare, ani avave oñembotuicha yvypóra ojapóvare, opa mbaʼe haʼégui penembaʼe. 22  Tahaʼe Pablo, Apolos, Cefas, pe múndo, jeikove, ñemano, umi mbaʼe oĩva koʼápe térã umi mbaʼe oútava, opa mbaʼe penembaʼe hína. 23  Ha peẽ Cristo mbaʼe; ha Cristo katu, Ñandejára mbaʼe.

Nóta

Ehecha “Espíritu Sánto”, diksionário oĩva ko Bíbliape.
Térã: “iselósova”.
Ehecha “Múndo”, diksionário oĩva ko Bíbliape.
Térã: “ohechauka rupi mbaʼeporã ijojahaʼỹva”. Ehecha “Mbaʼeporã Ijojahaʼỹva”, diksionário oĩva ko Bíbliape.
Ehecha “Ita Vera”, diksionário oĩva ko Bíbliape.
Térã: “oñevendesíta”. Ehecha “Vendisión”, diksionário oĩva ko Bíbliape.
Ehecha Informasión Oĩvéva 1.