Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Corintios 2:1-16

2  Upéicharõ che ermanokuéra, ahárõ guare amombeʼu peẽme pe sekréto marangatu* oúva Ñandejáragui, ndahái vaʼekue añembotuicha pende apytépe che ñeʼẽ ha che arandu rupive.  Adesidi rupi añeʼẽtaha peẽme Jesucristo rehe añoite ha oñemosaingo hague chupe yvyráre.  Ha ahárõ guare pene rendápe chekangy, akyhyje ha aryrýi.  Añeʼẽ ha apredikárõ guare ndahaʼéi aikéva peẽme ñeʼẽkuaápe ni añemoarandúva peẽme, síno che ñeʼẽre ojekuaa pe espíritu podér,  ani hag̃ua pende jerovia ipyenda yvypóra arandúre, síno Ñandejára puʼakáre.  Koʼág̃a ñande ñañeʼẽ arandúre umi iñakãguapýva apytépe, péro ndahaʼéi ko mundopegua* arandúre ni umi mburuvicha arandúre, umíva koʼẽrõite oñehundíta.  Ñande ñañeʼẽ Ñandejára arandúre, oñemokañýva peteĩ sekréto marangatúpe. Ñandejára odesidíma vaʼekue upéva, oñepyrũ mboyve ko múndo aña, ikatu hag̃uáicha haʼe ñanembotuicha.  Ni peteĩ umi mburuvicha ko mundopegua ndoikuaái ko arandu, oikuaárire hikuái nomosaingói vaʼerãmoʼã yvyráre ñande Ruvicha guasúpe.  Péro ojehaiháicha Ñandejára Ñeʼẽme: “Hesakuéra ndohechái, ni ijapysakuéra nohendúi, ni noimoʼãi hikuái umi mbaʼe Ñandejára oprepara vaʼekue umi chupe ohayhúvape g̃uarã”. 10  Ñandejára oikuaauka ñandéve umi mbaʼe ijespíritu rupive, pe espíritu oipyguara rupi opa mbaʼe, umi mbaʼe ipypukuvéva oúva Ñandejáragui jepe. 11  Ndaipóri kuimbaʼe oikuaáva mbaʼépa opensa ótro kuimbaʼe, síno haʼe añoite oikuaa mbaʼépa oĩ ipyʼapýpe*. Upéicha avei, avave ndoikuaái Ñandejára opensáva, síno Ñandejára espíritu añoite oikuaa. 12  Koʼág̃a ñande jarresivi pe espíritu oúva Ñandejáragui, ndahaʼéi ko mundopegua espíritu, jaikuaa hag̃ua umi mbaʼe Ñandejára omeʼẽ vaʼekue ñandéve imbaʼeporã rupi. 13  Ñande nañamboʼéi umi mbaʼe opensáva umi yvypóra arandu, síno Ñandejára opensáva. Ha ñamyesakã haʼe opensáva jaikuaaukávo pe espíritu ñanemboʼéva. 14  Péro pe kuimbaʼe oñemeʼẽva hete rembipotápe, ndorresivíri umi mbaʼe oúva Ñandejára espíritugui, umíva vyrorei chupe g̃uarã, ha haʼe ndaikatúi ontende umi mbaʼe, oikotevẽgui Ñandejára espíritu ohesaʼỹijo hag̃ua. 15  Pe kuimbaʼe oikóva Ñandejára espíritu poguýpe katu, añetehápe ohesaʼỹijo opa mbaʼe, péro avave ndohusgái chupe. 16  Ñandejára Ñeʼẽ heʼi voi: “¿Máva piko oikuaa Jehová* opensáva, ohekomboʼe hag̃ua chupe?”. Péro ñande ñapensa Cristo* opensaháicha.

Nóta

Ehecha “Sekréto Marangatu”, diksionário oĩva ko Bíbliape.
Ehecha “Múndo”, diksionário oĩva ko Bíbliape.
Griégope heʼi: “ijespíritupe”.
Ehecha Informasión Oĩvéva 1.
Ehecha “Cristo”, diksionário oĩva ko Bíbliape.