Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Corintios 13:1-13

13  Añeʼẽramo opaichagua idiómape, tahaʼe yvypóra térã anhelkuéra idiómape, péro ndaporohayhúi, che hína láta pararã rei.  Ñandejára omeʼẽramo chéve katupyry aprofetisa* hag̃ua ha aikuaáramo entéro umi sekréto marangatu*, ha aikuaáramo jepe heta mbaʼe, ha che jerovia imbaretéramo jepe amomýi hag̃ua umi sérro, péro ndaporohayhúi, che ndahaʼéi mbaʼevete.  Ha ameʼẽramo jepe opa mbaʼe aguerekóva amongaru hag̃ua ótrope, ha che rekove jepe ameʼẽ ajechauka hag̃ua, péro ndaporohayhúi, vyroreiete la ajapóva.  Pe mborayhu ipasiénsia ha imbaʼeporã, naiñenvidiósoi*, ndaijejapói ha noñembotuichái.  Pe mborayhu ningo ndojapói mbaʼeve hekopeʼỹ, nopensái ijehénte, ndaipochyreíri ha ndaipyʼarói.  Ndovyʼái umi mbaʼe vai ojejapóvare, ovyʼa guei añeteguáre.  Pe mborayhu ogueropuʼaka opa mbaʼe, oguerovia opa mbaʼe, ohaʼarõ opa mbaʼe ha oaguanta opa mbaʼe.  Pe mborayhu ndopamoʼãi arakaʼeve*. Péro oĩramo katupyry ojeprofetisa hag̃ua, umíva opáta; oĩramo katupyry oñeñeʼẽ hag̃ua heta idiómape, umíva opáta; oĩramo katupyry ojekuaa hag̃ua heta mbaʼe, umíva opáta.  Ñande ningo ndajaikuaái opa mbaʼe, ha ndajaprofetisái opa mbaʼe; 10  péro ág̃a jaikuaa ha japrofetisa vove opa mbaʼe, pe ikompletoʼỹva opáta. 11  Chemitãʼírõ guare añeʼẽ, apensa ha ajepyʼamongeta vaʼekue mitãicha; koʼág̃a katu akakuaapáma ha ahejáma mitã reko. 12  Koʼág̃a jahecha vai vaínte ku ñamañarõguáicha peteĩ espého de metálpe*, amo gotyove katu hesakãta* ñandéve. Koʼág̃a aikuaa vai vaínte, péro amo gotyove aikuaa porãta, Ñandejára chekuaa porãháicha. 13  Péro koʼág̃a opyta koʼã mbohapy mbaʼe: jerovia, esperánsa ha mborayhu; ha pe tuichavéva koʼãvagui haʼe hína mborayhu.

Nóta

Ehecha “Profesía”, diksionário oĩva ko Bíbliape.
Ehecha “Sekréto Marangatu”, diksionário oĩva ko Bíbliape.
Térã: “ndaiselósoi”.
Térã: “nosẽvaíri arakaʼeve”.
Yma umi hénte oiporu vaʼekue espého ojejapóva: láta, vrónse, pláta ha hetave mbaʼégui.
Griégope heʼi: “haʼéta ojováre”.