Ehecha oĩva pype

Ehecha menú secundario

Ehecha oĩva pype

Testígo de Jehová

guarani

Biblia Internétpe | ÑANDEJÁRA ÑEʼẼ MATEO - APOCALIPSIS

1 Corintios 12:1-31

12  Che ermanokuéra, aipota peikuaa porã umi rregálo* oúva Ñandejáragui.  Peẽ peikuaa yma pejerovia mboyve, pemombaʼeguasu hague umi ñandejára guaʼu* iñeʼẽngúvape, ha pejapo oimeraẽ mbaʼe haʼekuéra oipotáva.  Upévare aipota peikuaa avave ndaikatuiha heʼi Ñandejára espíritu rupive: “¡Jesús ningo peteĩ kuimbaʼe aña!”; ha avave ndaikatúi heʼi: “¡Jesús hína ñande Ruvicha!”, ndahaʼéiramo espíritu sánto* rupive.  Upéicharõ, oĩ diferénte rregálo, péro peteĩ espíritunte.  Ha oĩ diferénte tembiapo ñaipytyvõ hag̃ua ótrope, ha upéicharamo jepe peteĩnte ñande Ruvicha.  Pe espíritu sánto ojapouka umi héntepe diferénte tembiapo, péro peteĩnte hína pe Ñandejára ojapoukáva umi héntepe umi mbaʼe.  Ojekuaa porãiterei mbaʼéichapa pe espíritu sánto oipytyvõ káda únope ojapo hag̃ua iporãva.  Por ehémplo, pe espíritu oipytyvõ peteĩme iñeʼẽ arandu hag̃ua; ótrope katu pe espíritu avei oipytyvõ oikuaa hag̃ua peteĩ mbaʼe.  Ótrope pe espíritu oipytyvõ ojerovia hag̃ua, ha ótrope pe espíritu avei oipytyvõ oporomonguera hag̃ua. 10  Ótrope oipytyvõ ojapo hag̃ua milágro*, ótrope oprofetisa* hag̃ua, ótrope katu oipytyvõ ohechakuaa hag̃ua oúpa Ñandejáragui umi mbaʼe ojeʼéva, ótrope oipytyvõ oñeʼẽ hag̃ua diferénte idióma, ha ótrope otradusi hag̃ua umi idióma. 11  Opa koʼã mbaʼe ojapouka peteĩ espíritunte, ha káda únope omeʼẽ umi rregálo* haʼe oipotaháicha. 12  Ñande rete ningo peteĩnte, péro oreko heta párte, ha hetáramo jepe umi párte, peteĩnte ñande rete; upéicha avei hína Cristo* rete. 13  Añetehápe peteĩ espíritu rupive, enterove jajevautisa* oiko hag̃ua ñandehegui peteĩnte, tahaʼe hudío, griégo, umi tembiguái térã umi orekóva liverta. Ha enterovépe oñemeʼẽ upe espíritu. 14  Ñande rete ningo ndoguerekói peteĩ pártente, síno heta. 15  Ñande py heʼíramo: “Che ndahaʼéi po, upévare che ndahaʼéi nde rete rehegua”, ndahaʼéi upe haguérente noĩvéimava ñande retépe. 16  Ñane nambi heʼíramo: “Che ndahaʼéi tesa, upévare che ndahaʼéi nde rete rehegua”, ndahaʼéi upe haguérente noĩvéimava ñande retépe. 17  Ñande rete haʼéramo tesa meménte, ¿moõ piko oĩta ñande apysa? Haʼéramo apysa meménte, ¿moõ piko oĩta ñane tĩ? 18  Péro Ñandejára omoĩ káda párte oĩva ñande retépe haʼe oipota haguéicha. 19  Enterove umi párte haʼéramo peteĩchapánte, ¿moõ piko upéicharamo oĩta ñande rete? 20  Péro oĩ heta párte ha upéicharõ jepe peteĩnte ñande rete. 21  Ñande resa ndaikatúi heʼi ñande pópe: “Naikotevẽi nderehe”; térã ñane akã ndaikatúi heʼi ñande pýpe: “Naikotevẽi penderehe”. 22  Upéva rangue, ñande retépe jareko umi párte haʼetéva ikangyvéva, péro añetehápe ñaikotevẽterei hesekuéra. 23  Umi párte ñande ñapensáva ivaiha, umíva ñamoʼã porã, ha péicha umi párte ñaguerotĩva, umíva ñamoporãve. 24  Umi párte iporãvéva katu noikotevẽi mbaʼeve. Upéicharõ, Ñandejára ojapórõ guare ñande rete, omombaʼeve umi párte oikotevẽvape. 25  Ojapo upéicha ani hag̃ua oĩ joavy ñande retépe, síno káda párte ojepyʼapy hag̃ua umi ótrore. 26  Peteĩva ohasa asýramo enterove umi ótro ohasa asy hendive, ha peteĩvape oñembotuicháramo, enterove umi ótro ovyʼapa hendive. 27  Upéicharõ peẽ hína Cristo rete, ha káda uno haʼe peteĩ párte oĩva hetépe. 28  Ha Ñandejára omoĩ káda únope kongregasiónpe*: primero umi apóstol*, segundo umi proféta, tercero umi mboʼehára; upéi umi milágro, podér* oñemonguera hag̃ua, oñepytyvõ hag̃ua umi oikotevẽvape, katupyry oñemoakã hag̃ua, ha diferénte idióma. 29  Naentéroi ningo apóstol, ¿ajépa? Naentéroi proféta, ¿ajépa? Naentéroi mboʼehára, ¿ajépa? Naentéroi ojapo milágro, ¿ajépa? 30  Naentéroi oreko podér oporomonguera hag̃ua, ¿ajépa? Naentéroi oñeʼẽ diferénte idióma, ¿ajépa? Naentéroi otradusi, ¿ajépa? 31  Pesegíkena peñehaʼã pehupyty umi rregálo tuichavéva. Che katu ahechaukáta peẽme peteĩ tape ijojahaʼỹva.

Nóta

Kóva hína pe katupyry Ñandejára omeʼẽva káda únope.
Griégope heʼi: “taʼangakuéra”. Ehecha “Idolatría”, diksionário oĩva ko Bíbliape.
Ehecha “Espíritu Sánto”, diksionário oĩva ko Bíbliape.
Térã: “mbaʼeguasu”.
Ehecha “Profesía”, diksionário oĩva ko Bíbliape.
Kóva hína pe katupyry Ñandejára omeʼẽva káda únope.
Ehecha “Cristo”, diksionário oĩva ko Bíbliape.
Ehecha “Vautísmo”, diksionário oĩva ko Bíbliape.
Ehecha “Kongregasión”, diksionário oĩva ko Bíbliape.
Ehecha “Apóstol”, diksionário oĩva ko Bíbliape.
Térã: “rregálo”.