Mbaʼépa heʼi la Biblia

 Heta hénte oikuaase maʼerãpa jaexisti ñande umáno, ha upévare okalkula: “¿Maʼerã ñaime ko múndope? ¿Mbaʼétepa la ajapo vaʼerã avyʼa hag̃ua?”. La Biblia ohechauka porã ñande jaexistiha oiko hag̃ua ñandehegui Ñandejára amigoite. Emañamína koʼã mbaʼe iñimportantetéva omboʼéva la Biblia ko témare:

•   Ñandejára haʼe ñande Kreadór. La Biblia heʼi: “Haʼe ñandeapo vaʼekue, upévare ñande imbaʼe hína” (Salmo 100:3; Apocalipsis 4:11).

•   Ñandejára ojapo opa mbaʼe por álgonte, ndahaʼéi ku ojapo rei reínteva la kósa, ha ñandéve upéichante avei (Isaías 45:18).

•   Ñandejára ñandekrea vaʼekue ñaikotevẽ hag̃uáicha hese, upévare heseʼỹ naisentídoi la ñande rekove ha jahekaiterei algúna kósa javyʼami hag̃ua (Mateo 5:3). Haʼe oipota ñañemoag̃ui hese ha péicha javyʼa hag̃ua de verdaite (Salmo 145:16).

•   Ñandejára haʼéramo ñane amigoite, ikatúta jaiko trankílo ha javyʼáta. Algúno opensa núnka ndaikatumoʼãiha oiko ñandehegui iñamígo, péro legálmente la Biblia heʼi porã ñandéve: “Peñemoag̃uíkena Ñandejárare, ha haʼe oñemoag̃uíta penderehe” (Santiago 4:8; 2:23).

•   Oiko hag̃ua ñandehegui Ñandejára amígo, ñaneñeʼẽrendu vaʼerã chupe ha jaiko haʼe oipotaháicha. La Biblia oexplika ñandéve upéva Eclesiastés 12:13-pe: “Rerrespeta vaʼerã Ñandejárape ha ejapo imandamiénto heʼíva. Péva hína pe ovligasión entéro persóna orekóva”.

•   Amo gotyove, ko múndo tuichakuére ikatúta ojeiko Ñandejára siémpre oipota haguéicha. Upearã haʼe oipeʼaitéta entéro mbaʼe ñanembosufríva, ha omeʼẽta vída etérna umi iñamigokuéra oadorávape chupe (Salmo 37:10, 11).