OĨ OPENSÁVA oĩha álgo osẽva ñandehegui ha osegíva oiko ótro lugárpe, ha ótro katu heʼi ñamanórõ japaitemaha. ¿Mbaʼépa nde ere?

MBAʼÉPA HEʼI LA BIBLIA

“Omanóva katu ndoikuaái mbaʼeve.” (Eclesiastés 9:5.) Ñamano vove, ndajaexistivéima.

¿MBAʼÉPA IKATU ÑAAPRENDEVE LA BÍBLIAGUI?

• Adán omanórõ guare oiko jey chugui yvy (Génesis 2:7; 3:19). Péicha avei, entéro umi omanóvagui oiko jey yvy (Eclesiastés 3:19, 20).

• Umi omanóva opagapáma ipekádore (Romanos 6:7). Ndohói ótro lugárpe ojekastiga hag̃ua chupekuéra.

¿MBAʼÉPA NDE ERE?

• Si

• No

• Ikatu mbaʼe

MBAʼÉPA HEʼI LA BIBLIA

“Umi omanóma vaʼekue oikove [jeýta].” (Hechos 24:15, ÑÑB.)

¿MBAʼÉPA IKATU ÑAAPRENDEVE LA BÍBLIAGUI?

• La Biblia okompara jepi umi hénte omanóva umi okévare (Juan 11:11-14). Ñande ikatuháicha ñamombáy peteĩ okévape, Ñandejára ikatu omombáy peteĩ omanóvape (Job 14:13-15).

• La Biblia omombeʼu oĩma hague yma hénte oikove jeýva, upéva ohechauka ikatuha jaguerovia umi omanóva oikove jeytaha (1 Reyes 17:17-24; Lucas 7:11-17; Juan 11:39-44).