Salmos 72:1-20
Peteĩ purahéi oñeʼẽva Salomón rehe.
72 Ñandejára, emboʼéna pe rréipe umi nde léi.
Ehekomboʼéna pe rréi raʼýpe mbaʼépa pe hustísia.+
2 Péicha haʼe odefendéta nde puévlope ha ojapóta hustísia hesehápe.
Ohecháta ojehusga porã hag̃ua umi imboriahumívape.+
3 Umi montáña togueru pyʼaguapy umi héntepe,ha umi sérro togueru hustísia.
4 Pe rréi todefende* umi hénte umíldepe,ha ani opermiti ojehu mbaʼeve umi imboriahúva famíliape.
Péro tohundi umi hénte ojaprovechávape hapicháre.+
5 Pe kuarahy oĩháicha opa ára g̃uarã,ha pe jasy oĩháicha pára siémpre,upéicha avei Ñandejára umi hénte nderrespetáta opa ára g̃uarã.+
6 Pe rréi ojapótava iporãitereíta, ojoguáta pe ama omboykuéva pe kapiʼipe ojekopipa ramóva.
Ojoguáta pe ama omoheʼõvape pe yvy.+
7 Pe rréi ogoverna vove, umi ihústovape oho porãta.*+
Pe jasy ningo siémpre oĩta, upéicha avei oĩta pyʼaguapy opa ára g̃uarã.+
8 Pe rréi ogovernáta ko yvy tuichakuére, peteĩ mar guive pe ótro mar peve,Rrío Éufrates guive umi lugár mombyryveha peve ko yvy ape ári.+
9 Umi hénte oikóva pe desiértope oñesũta henondépe,ha haʼe oganáta umi iñenemígope.+
10 Pe rréi de Tarsis ha umi islapegua rreikuéra oguerúta rregálo,+avei umi rréi de Seba ha umi rréi de Sebá.+
11 Entéro umi rréi oñesũta henondépe,ha entéro umi tetã oservíta chupe.
12 Umi imboriahúva ningo ojerure asy ajúda, ha haʼe katuete osalváta chupekuéra.
Avei oipytyvõta umi iñumíldevape ha umi ndorekóivape avave odefende vaʼerã chupekuéra.
13 Haʼe oiporiahuverekóta umi hénte umíldepe ha umi imboriahúvape,ha katuete osalváta chupekuéra.*
14 Heta hénte osufri umi governánte iñañáva poguýpe, péro pe rréi osalváta chupekuéra.*
Umi hénte rekove* ningo ovaleterei chupe g̃uarã.
15 Toikove puku pe rréi, ha toñemeʼẽ chupe pe óro oĩva Sébape.+
Aipota umi hénte siémpre oñemboʼe hese,ha tódo el tiémpo tojerure oñevendesi hag̃ua chupe.
16 Ko yvy oprodusi porãitereíta,+umi montáña ruʼãme entéro, hembypáta la ojekosecha vaʼerã.
Pe rréi plantasión katuete osẽ porãta, ojoguáta umi yvyramáta oĩvape Líbanope.+
Oĩháicha heta plánta ko yvy ape ári, péicha avei hetaiterei hénte oĩta umi siudápe.+
17 Pe rréi réra tojekuaa opa ára g̃uarã.+
Pe kuarahy ningo opytáta pára siémpre, upéicha avei topyta opa ára g̃uarã pe rréi réra.
Toñevendesi umi héntepe haʼe rupive.+
Umi persóna opa tetãygua tombotuicha chupe.
18 Toñemombaʼeguasu Israel Járape, haʼéva hína Jehová.+
Haʼe añoite ojapo umi mbaʼe iporãitereíva ipuévlo rehehápe.+
19 Toñemombaʼeguasu héra porãite opa ára g̃uarã,+ha toñembotuicha chupe ko yvy tuichakuére.+
Amén ha Amén.*
20 Péicha opa umi mbaʼe David ojerure vaʼekue ñemboʼépe. Haʼe hína Jesé raʼy.+
