NA KAʼWAYUUSEKANA/NA KACHONSHIIKANA

«Akaainjanaʼaya na tooloyuu kaʼwayuuseshiikana, alinjatü napüla naʼwayuuse maʼaka alin naya napülajiraa. Chi wayuu aikai apüla nuʼwayuuse, aijiraashijaʼamata nia nüpülajiraa. Nnojoishi eein wanee wayuu üttakai aaʼin nünainjiraa, niküin wanee kasa otta niisattachoin nukuwaʼipa». «Jia tooloyuu kaʼwayuuseshiikana, alinjatü jüpüla juʼwayuuse maʼaka alin jia jüpülajiraa».

Éfeso 5:28, 29, 33

«Jia wayuu kachonniikana, nnojo jaashichijain na jüchonniikana, shia anaka aluʼu jikirajüle naya wanaapünaa sümaa tü nümakat Jehová jee wanaapünaa sümaa tü nuluwataakalü anain».

Éfeso 6:4

NA JIEYUU KAʼWAYUUSEKANA

«Tü wayuu eekai kaʼwayuusein, kojutuinjachi maʼin suʼwayuuse sümüin».

Éfeso 5:33

«Jia jieyuu kaʼwayuuseshiikana, jüüjüüinjana jia namüin na juʼwayuusekana maʼaka naaʼinrüinjatüin shia na wayuu oushikajaakana süchiirua nukuwaʼipa chi Señotkai».

Colosas 3:18

 NA TEPICHIKANA

«Jia achonniikana, joonoo sümaa nünüiki jüshi jee sümaa sünüiki jii, wanaapünaa sümaa tü nüchekakat chi Señotkai, jama shiain anain tia. ‹Kojutu pümüin püshi sümaa pii›, tia shia tü palajatkat pütchi aluwataanaka anain sümaʼaleeya süküjünüin tü eejeetkat suluʼujee. Shia tü makat mayaa: ‹Süpüla anainjatüin pukuwaʼipa jee süpüla pi’rüinjachin miyoʼuwaa yaa saaʼu tü mmakat›».

Éfeso 6:1-3

«Jia achonniikana, joonoo sümaa süpüshuaʼa tü nümakat jüshi jee tü sümakat jii, jama anain tia noʼuluʼu chi Señotkai».

Colosas 3:20