PÜTCHI 5
Tü aküjünakat maʼin achiki suluʼu tü Bibliakat
«Paʼünüüwajiraweerü pia tatuma sümaa tü jietkat otta paʼünüüwajiraweerü puuʼuliwoʼu sümaa suuʼuliwoʼu tü jietkat. Chi suuʼuliwoʼukai tü jietkat nuchuwerajaajeerü pikii jee müsia piakat püchoteerü shiineʼe nuuʼui».
«Sükajee poonooin sümaa tanüiki, nieechi chi pülüinkai antiraka anaa akuwaʼipaa sümüin wayuu süpüshuaʼa saaʼu tü mmakat».
«Wachuntuin pümüin puluwataainjachin saaʼu tü mmakat. Kasataalejeseʼe saainjünüin tü keeʼireekat paaʼin yaa mmapaʼa maʼaka sukuwaʼipa putuma chaa iipünaa».
«Soʼu palit kaʼi meechi nuchuwerajaanakai aaʼin Satanás nutuma chi Maleiwa aapakai jimataa aaʼin sümüin wayuu, meechi juuʼuipalakai naaʼin nutuma».
«Niʼitaapa Maleiwa kasa süpüshuaʼa süpüla nuuʼuipalain shia chi Nüchonkai, jüüjüüweechi chi Nüchonkai nümüin, jama niain Maleiwa eʼitaain kasa süpüshuaʼa süpüla nuuʼuipalain shia. Jee suluʼujee tia nieechi Maleiwa laülaaka saaʼu kasa süpüshuaʼa».
«Aküjünatüjülia nümüin Abrahán jee nümüin chi nülüinkai tü kasa aaʼinnajatkat napüleerua. [...] Chi aashajaanakai achiki, nia Cristo». «Juushikajaalejeʼeya süchiirua nukuwaʼipa Cristo, nüikeyuujaʼamata jia Abrahán».
«Niaichipa aluwataaka Maleiwa nümaa chi nüneekajalakai süpüla Cristoin jee aluwataainjachi nia saaʼu wayuu süpüla kaʼikat süpüshuaʼa».
«Nujunaanakalaka mmapaʼamüin chi wüi miyoʼukai maʼin, chi wüi nümaiwajachikai, chi Yolujaa jee Satanás münakai, chi emeejakai wayuu sainküin mmakat. Ojunaanüshi nia mmapaʼamüin namaʼaleeya na aapiee nümaajanakana».
«Nütaʼülaka chi wüi miyoʼukai maʼin, chi wüi nümaiwajachikai, chi Yolujaa jee Satanás münakai, kapüshi nia nutuma soʼu miit juya».
