«Atkaajiraajeerü wayuu suluʼujeejatü wanee pueulo sümaa waneʼeya [. . .]. Suʼttiapejeʼe neʼe müliaa tia makat».

Mateo 24:7, 8

«Wainmeena na wayuu emeejünakana natuma na nünüikimaajanayaakana Maleiwa. Maalinjiraajeerü wayuu jooutpa maʼin tü mojulawaakat».

Mateo 24:11, 12

«Aapeena jia süchiki atkawaa suluʼu mma pejepünaa jünain jee suluʼu mma wattapünaa. Nnojotsü ainkuuinjatüin jaaʼin süka sülatüinjatüinña makalü aka saaʼin tia. Nnojotpejeʼe antamaateerüin tü kaʼi sajaʼlajaainjatkalü oʼu tü kasa alatakat sainküin mma».

Marcos 13:7

«Emetuleerü maʼin tü mmakat sukutkujaapa, aijeerü jamü otta jouleerü ayuulii sainküin mma. Shiʼreerü wayuu kasa mmoleetka eema shia sümaa shiiʼiyalaajeerüin kasa iipünaajee».

Lucas 21:11

 «Pütüjaainjatpejeʼe saaʼu kapüleejeerüin maʼin tü kasa alatakat jee keemeerüin maʼin tü mmapaʼakat sülüʼütpa sükalia süpüla sajaʼttüin kasa mojusü. Jamüshiijaʼa na wayuukana kapüleerü neʼe naaʼin nakuwaʼipa namüiwaʼa, alanaʼaleejeeria namüin sujutu nneerü, a’waataweena saaʼu wanee kasa, pülayaajeerü naaʼin, mojeerü nanüiki sümüin wayuu, nnojoleena oonooin sümaa sünüiki nei jee sümaa nünüiki nashi, nnojoleena aapüin analuʼut jee nnojoleena naya waneepiain namaa na waneinnua, mamülialeerü wayuu namüin, nnojoleerü anashiin namüin anajiraain naya, mojeerü nanüiki süchiki wayuu, nnojoleerü nachecherüin naaʼin, wayuujeena jashichi naya jee nayouteerü süchiki aaʼinraa kasa anasü. Aainjeena kasa mojusü namüin naʼaleewainyuu, macheʼejeena süchiirua tü namakat, yaleteerü naaʼin, kamalainjeerü namüin tü suchuntaakat naaʼin suulialeʼeya oonowaa sümaa nünüiki Maleiwa. Anoujayaajeena naya nünain Maleiwa suʼupala wayuu, nnojoleetpejeʼe jaʼyain saaʼu nakuwaʼipa shiimain tü nanoulakat».

2 Timoteo 3:1-5