Aashajaashi Maleiwa wamaa sükajee tü Wiwüliakat (2 Timoteo 3:16)

Tü nünüikikat Maleiwa suluʼusü tü Wiwüliakat. Nüshajirüin waneeinnua wayuu. Wainma kasa anasü saashajaaka achiki tü Wiwüliakat otta nücheküin watüjaain saaʼu.

Kekiishi maʼin nia woulia. Nütüjaa aaʼu tü kasa anakat süpüla waaʼinrüin. Woonoole nümaa, aneerü sukuwaʼipa tü kasa waaʼinrakat (Proverbios 1:5).

Keeʼireesü naaʼin naashajeʼerüin tü Wiwüliakat napüshuaʼa na wayuukana. Müsüjeseʼe sülatinnüin suluʼu wainma anüiki.

Keeʼireere waaʼin woonooin nümaa Maleiwa, waashajeʼerüinjatü tü Wiwüliakat jee wayaawatüinjatü saaʼu tü sümakat.

 Sainküin tü mmakat, wainma wayuu oonooka nümaa Maleiwa (Mateo 28:19)

Piyaawateerü aaʼu tü sümakat tü Wiwüliakat natuma na aküjüliikana pütchi nüchiki Je’waa.

Sainküin tü Mmakat, nekirajüin tü shiimainkat nüchiki Maleiwa.

Puutkajaale namaa na Aküjüliikana pütchi, kooʼomüinjeerü tü pütüjaakalü aaʼu nüchiki Maleiwa. Ekirajüshii naya masaloui.