Ouktüshi Adán sümaa Eva sükajee nnojoluin noonooin (Génesis 3:6, 23)

Oonoosü Eva sümaa tü wüikat otta shikaka süchon tü wunuʼu apülajünakat suulia. Süchikijee, shikiraka Adán.

Mojusü maʼin tü naaʼinrakat, kaainjalashii naya. Nujuʼitirüin Maleiwa Adán sümaa Eva suluʼujee tü mmakat Edén.

Müliashii maʼin naya otta na nachonniikana. Mapa, laülaashii jee ouktüshii naya. Ouktapa naya, nnojoishii oʼunüin sirumatuʼumüin otta nnojotsü kasain ojuʼitüin nanainjee.

 Eekai ouktüin nnojotsü kasain naaʼinrüin, mmashi nüchikuaʼa (Génesis 3:19)

Ouktüshii waya süka nüpüshin waya Adán sümaa Eva. Nnojotsü kasain saapüin, shiʼrüin jee saaʼinrüin tü wayuu ouktüsükat, müsü sütunkakai maʼin (Juan 11:11-14).

Nnojotsü keeʼireein naaʼin Je’waa ouktüin wayuu. Soʼu palitchon kaʼi, kateerü noʼu nachikuaʼa na ouktüshiikana. Noonoole nümaa Maleiwa, müinnia nnojoluin ouktüin. Kateerü noʼu waneepia.