Skip to content

Skip to secondary menu

Na aküjaliikana pütchi nüchiki Jeʼwaa

Wayuunaiki

¿Kateetche noʼu nachikuaʼa na wayuu ouktakana?

¿Kateetche noʼu nachikuaʼa na wayuu ouktakana?

Eeshii eekai namüin:

  • «Aa».

  • «Nnojo».

  • «Jamüin».

¿Jamüsüjaʼa saaʼin pümüin?

 TÜ SÜMAKAT TÜ WIWÜLIAKAT

‹Asoʼiraajeerü saaʼin tü wayuu ouktüsükalüirua.› (Aluwataaushikana 24:15, Tü Nüchikimaajatkat Jesucristo.)

¿JAMÜSÜ ANEETKA WAKUWAʼIPA WATÜJAALE SAAʼU TIA?

Ouktüle wanee wapüshi, sümülialeerü waaʼin tia pütchikat (2 Corinto 1:3, 4).

Nnojoleena waya mmoluin maʼin seema ouktaa (Hebreokana 2:15).

Waʼatapajeena weʼrüinjanain nachikuaʼa na wapüshi ouktüinnapakana (Juan 5:28, 29).

 ¿JAMÜSHII WANOUJÜINJANAKA SÜNAIN TÜ SÜMAKAT TÜ WIWÜLIAKAT?

Eesü apünüinsü kasa wanoujüinjatka atuma tia:

  • Nia Maleiwa aapaka kataa oʼuu sümüin wayuu. «Nia [Jeʼwaa] aapakaʼaya wamüin kataa oʼu» (Aluwataaushikana 17:24, 25; Salmo 36:9). Nnojotsü kapüleein nümüin nüsoʼireʼerüin naaʼin na ouktüshiikana süka niain aapüin kataa oʼuu sümüin tü kasa chakat iipünaa sümaa tü kasa yaakat saaʼu tü mmakat.

  • Asoʼireʼennüsü saaʼin waneeirua wayuu nutuma Maleiwa. Mekiisatshii wayuu asoʼireʼennaka aaʼin saashin tü Wiwüliakat, eejana tooloyuu, jieyuu, tepichi otta laülaayuu. Eeshii eekai nasoʼireʼennamaatüin aaʼin süchikijee ouktaa. Akaisaʼa eejachin wanee wayuu asoʼireʼennaka aaʼin pienchi kaʼi süchikijee ouktüin nia (Juan 11:39-44).

  • Keeʼireesü maʼin naaʼin Maleiwa nüsoʼireʼerüin naaʼin na ouktüshiikana. Nnojotsü anain nümüin Jeʼwaa ouktüin wayuu. Müsü aka saaʼin wanee nüʼünüü tü ouktaakat (1 Corinto 15:26, NM). Najaʼlajeʼereein Maleiwa tü ouktaakat. Makalaka nüsoʼireʼerüinjatüin naaʼin na ouktüshiikana. Keeʼireesü naaʼin Maleiwa katüinjatüin noʼu nachikuaʼa yaa Mmapaʼa na wayuu nüchekakana süpüla nasoʼiraain aaʼin (Job 14:14, 15).

 PÜSAKIREʼERA PAAʼIN

¿Kasanainjeeshii laülaaka jee ouktaka waya?

Puusüteerü anain tü susouktiakat suluʼu GÉNESIS 3:17-19 otta ROMA 5:12.