«Piakai [Jeʼwaa] chi Aapajakai sünüiki wayuu suʼuraajapa, anteerü pünainmüin wayuu eekai eein.»

(Salmo 65:2)

«Piʼitaa maʼin paaʼin nünain Jeʼwaa, nnojo piʼitaain paaʼin sünain tü pütüjaakalü aaʼu. Jülüja paaʼin nia sünain süpüshuaʼa tü kasa paaʼinrakat süpüla lotuinjatüin pukuwaʼipa nutuma.»

(Proverbios 3:5, 6)

«Chi wayuu ekirajaakai waneepia püchiki piakai chi Maleiwa shiimainshikai otta nüchiki chi püjünalakai Jesukürisüto, kateerü noʼu waneepia.»

(Juan 17:3)

«Nnojoishi wattain [Maleiwa] woulia wayakana waneʼewai wakua.»

(Hechos 17:27)

«Anuu tü tachuntakat waneepia nümüin Maleiwa jüpüleerua: kooʼomüinjatüin jaalinjiraa jüpüla sümaa lotuin tü jütüjaakalü aaʼu nüchiki Maleiwa otta jiyaawatüin saaʼu tü jaaʼinrajatkat.»

(Filipenses 1:9)

 «Eere wanee wayuu choʼujaakai amüin kekiiwaa, anakajaʼa nuchuntüle nümüin Maleiwa sooʼopünaa tia. Nnojoishi jeʼiyein nia suulia wayuu, asülajüi nia.»

(Santiago 1:5)

«Jürütkaa nünainmüin Maleiwa süpüla nürütkaainjachin jünainmüin. Juuʼulaa suulia tü jaainjalakat otta wule jutuma tü jaaʼinkat jiakana wainmajakana aaʼin sooʼopünaa wanee kasa.»

(Santiago 4:8)

«Shiimainre alin wapüla Maleiwa, oonoojeena waya sümaa tü nuluwataakalü anain. Nnojoliipejeʼe nuluwataain waya sünain kasa kapüleesü.»

(1 Juan 5:3)