Kojutuinjatü maʼin wamüin tü kataakalü oʼuu süka nüsülajalain shia Maleiwa wamüin. Süka niain Jeʼwaa chi katakai atuma woʼu, nachajaainjatü sukuwaʼipa napüshuaʼa na aküjaliikana pütchi süpüla yaletajatüin nünülia Jeʼwaa natuma sükajee nakuwaʼipa otta tü natüjakalü apüleerua (Sl 36:9; Alat 4:11). Watta saalii kasa mojusü alataka maaʼulu otta eesü kapüleere wamüin waʼyataain nümüin Jeʼwaa sutuma tia. Makalaka wasakireʼerüinjatüin waaʼin waneʼewai wakua: «¿Aʼyataashiche taya nümüin Jeʼwaa süka süpüshuaʼa taaʼin? (Os 14:2). ¿Kapüleejeetche tamüin taʼyataain nümüin Jeʼwaa sutuma tü taʼyataainkat jee shiale sutuma tü taneekakat süpüla taaʼinrüin? ¿Kasa tasaʼwateeka amüin sünain aʼyatawaa nümüin Jeʼwaa? ¿Kasa taaʼinrajatka süpüla kooʼomüin taʼyataain nümüin?». Kooʼomüinweere piʼyataain nümüin Jeʼwaa, puchunta kaaliinwaa nümüin otta punouta wanee kasa. Waʼwaajüle Jeʼwaa weinshi talateena waya otta aneerü wakuwaʼipa (Sl 61:8).

¿Jarai chi piʼyataakai amüin süka süpüshuaʼa paaʼin?

PÜNAJA TÜ VIDEOKOT PIʼYATAA NÜMÜIN JEʼWAA SÜKA TÜ PÜTÜJAKALÜ APÜLEERUA, OTTA PUSOUTA SHIʼIPAJEE TÜÜ:

  • ¿Jamüsü mojuka waʼyataale nümüin Satanaa sünain tü watüjakalü apüleerua? (1Jn 2:17).

  • ¿Kasa naapaka Jeʼwaa namüin na aʼyataakana nümüin süka süpüshuaʼa naaʼin?

  • ¿Kasa piʼyataweeka anain waneepia nümüin Jeʼwaa?