Akatsüinraasü nanoula na wawalayuukana wayalerüle wajapü süpüla wasouktüin sünain tü outkajawaakat (Ro 14:19). Müshiʼiya wayakana, akatsüinraasü wanoula müleka wasouktüle (Pr 15:23, 28). Anashii wayalerüle wajapü uatuayaakaijee sünain tü outkajawaakat. Nnojoliipejeʼe aneeküneenain waya waneepia süpüla wasouktüin, makalaka anain wekeraajüle maʼaka jeʼra pütchi wanüikinjatka.

¿Jamüinjatü sukuwaʼipa tü wanüikinjatkat?

  • Mapüleeinjatü, pansaainjatü otta motsoʼoinjatü sümaa. Eeshii süpüla wasouktüin maʼaka 30 sekunto jee paliʼirüle shia.

  • Anasü waküjüle shia süka wanüiki.

  • Nnojotsü waküjüinjatüin süchikuaʼa tü nümakat paala wanee wawala.

¿Kasa waaʼinrüinjatka wayale asouktüin palajana?

  • Wasoukta motsomüin otta waküja tü susouktiakat uatuwoʼushi.

¿Kasa waaʼinrüinjatka susouktünüitpale tü asakinnakalü anain?

  • Wasoukta sükajee wanee wetsiikulo sünainpünaaka tü wekirajaakalü anain.

  • Waküja jamüin wakuwaʼipa sutuma.

  • Waküja tü waaʼinrajatkat süpüla waainjain tü sümakat tia pütchikat.

  • Waküja motsomüin süchiki wanee kasa alataka namüin na wawalayuukana sünainpünaaka tü wekirajaakalü anain.