Hem soddun content-ant vochat

Hem soddun table of contents-ant vochat

 CHODD MAHITI

Mha-Devdut Mikael Konn?

Mha-Devdut Mikael Konn?

BIBLE Mikael, hea devduta vixim chodd sangona. Punn, jea-jea zagear tachi khobor kelea, thoim to Devachea dusmana add zhuz korta tem dison ieta. Danielachea pustokant, Mikael vaitt dutam sangata zhuzta tem dakhoilam. Toxench, Judasan boroilolea chittint, to Soitana kodden vad-vivad kortana dison ieta. Ani Prokasovnni pustokant, to Devchar ani tachea dutam add zhuz korta tem dison ieta. Mikael hea nanvacho orth, “Deva sarko konn?” Tor Mikael aplea nanva pormonnem, Jehovachea razvottke pasot tachea dusmana add zhuzta. Punn ho Mikael konn?

Thodde pavtt ek munxak eka poros chodd nanvam asta. Udharonnak, Jakobak Israel mhunn vollkhotale ani Pedruk, Simanv mhunnttale. (Utpoti 49:1, 2; Matev 10:2) Toxench, Mikael hem Jezuchem dusrem nanv mhunn Bible dakhoita. Jezu prithumer ieunchea poilim ani porot sorgar gelea uprant, tachem nanv Mikael mhunn sanglam. Punn oxem mhunnonk kitem karonn asa tem ami Bible-ant polloum-ia.

Mha-devdut. Bible-ant Mikael haka, “Mha-devdut” mhunnttlolo asa. (Judas 9) Bible, zaite Mha-devdut asat mhunn khoinch sangona. Hachea voilean, Mha-devdut mhunnttlolo ekuch asa mhunn kollon ieta. Bible, Jezuk mha-devdutachi podvi asa oxem dakhoita. Jivont  zal’lea Jezu Krista vixim 1 Tesalonikekarank 4:16 [NW] sangta, “Mha-devduta porim tacho tallo gaztolo . . . tedna Somi sorgar thaun denvtolo.” Tor hanga, Jezu Kristacho tallo Mha-devduta sarko oxem dakhoilolem asa. Hea versa pormonnem, Jezu Krist hoch Mha-devdut Mikael mhunn amkam kollon ieta.

Sorginchea soineancho mukheli. Bible sangta, “Mikael aplea dutank gheun aracher zhuzlo.” (Prokasovnni 12:7) Hachea voilean, Mikael visvaxi devdutancho mukheli mhunn kollon ieta. Prokasovnni pustokant, Jezu sorginchea visvaxi devdutancho mukheli mhunn sanglam. (Prokasovnni 19:14-16) Ani apostl Paulu “Somi Jezu” ani tachea “bollixtt devdutam” vixim sangta. (2 Tesalonikekarank 1:7) Tor Bible, Mikael ani tache dut, ani Jezu ani tachea dutam vixim uloita. (Matev 13:41; 16:27; 24:31; 1 Pedru 3:22) Sorginchea visvaxi dutancheo don soin asat, mhunnche ek Mikaelachi ani ek Jezuchi, oxem Bible khoinch sangona. Hachea voilean, Jezu Kristuch Mikael mhunn amchean mhunnonk zata. *

^ per. 1 Hea vixim chodd zannam zaunk, Jehovachea Sakxeamnim chhaplolem pustok, Insight on the Scriptures Volume 2 (Inglez bhaxen) pan 393-394 polloiat.