Hem soddun content-ant vochat

Hem soddun table of contents-ant vochat

 AMCHEM KRISTI JIVIT

Porgottnnechea Kamant Amchi Kola Vaddoum-ia—Bori Sakx Dita Tosleo Chitti Boroun

Porgottnnechea Kamant Amchi Kola Vaddoum-ia—Bori Sakx Dita Tosleo Chitti Boroun

KITEAK GORJECHEM: 1 Korintkarank hem pustok, apostl Paulun sobhenk boroilolea 14 chittim modlem ek zaun asa. Ek munis chitt boroita tednam, to utram chintun boroita, ani vachpi ti chitt zaite pavtti vachunk xokta. Amchea soireank ani amchea vollkhicheank ami chitti udexim bore toren sakx diunk xoktat. Toxench, zankam ami mellon ulounk xokonant, tankam pasun sakx diunk hi ek bori vatt zaun asa. Udharonnak, ekleak sot zannam zaunk urba asot, punn to ghora kednanch mellona. Amchea vattarantle thodde lok ghoddie, konnakuch bhitor ieunk mellona toslea zagear vo bilddingent, vo chodd poixil’lea zageamnim ravtat zait. Chitt boroitana ani chodd korun onvollkhi munxank ti boroitana, ami kosle vixoi monant dovrunk zai?

HEM KOXEM KORCHEM:

  • To munis tumche mukhar ubo aslo zalear tumi kitem mhunntta aslim, teach toren boroiat. Survatek, tumchi vollokh diat, ani tumi ti chitt kiteak boroitat tem karonn sangat. Tumchean ghoddie tankam ek prosn vicharun, website-ir tacho zobab mellonk xokta mhunn sangonk zata. Magir, website-ir aslolea Online Bible Study Lessons hache vixim, vo ghorant Bible obheas korchea manddavolli vixim, vo obheas korunk uzar kortat tea prokaxonantlea thoddea odheai-anche vixoi sangonk zatat. Tea chitti sangata tumchean JW kadd, amontronn potr, vo ek ttrektt ghalun dhaddunk zata

  • Chittint chodd boroinakat, na zalear vachpi tumchi chitt vachunuch thoktolo.—Chitt polloiat

  • Chitt boroun zalea uprant ti vachat ani kosleo-i chuki asat zalear polloun teo sarkeo korat. Ti nitoll ani vachunk sompi asonk zai. Toxench ti chitt, eka ixtta lagim uloilolea sarki, dusreank dukhoina toxi ani faideachi zatoli zalear polloiat. Cover-acher favo titlea rupeache stamp lavunk visornakat