Hem soddun content-ant vochat

Hem soddun table of contents-ant vochat

 AMCHEM KRISTI JIVIT

“Paulun Devak Dhinvaslo ani To Dhiran Ghott Ravlo”

“Paulun Devak Dhinvaslo ani To Dhiran Ghott Ravlo”

Romant aslolea sobhechea thoddea bhavamnim Paulu ieta mhunn aikolem tednam te sumar 40 moil (64 km) pois provas korun taka haddunk gele. Tancho svarth naslolo mog polloun Pauluk koxem bhoglem? “Tankam polleun Paulun Devak argam dilim ani dhir ghetlo.” (D.I. 28:15) Paulu sobhank bhett ditalo tednam to tankam urba ditalo, punn hea pavtti to koidi aslolean taka bhav-bhoinnam thaun urba mell’lli.—2Kor. 13:10.

Aiz sorkittachi dekhrekh korpi, veg-vegllea sobhamnim vochon bhav-bhoinnank urba ditat. Devachea her sevokam bhaxen te-ui thoktat, tankam-i usko asta ani niraxiponn bhogta. Fuddle pavtti sorkittachi dekhrekh korpi ani tachi bail tumchea sobhek bhett diunk ietat tednam eka-mekak urba mellonk tumi tankam koxim ‘dhir’ diunk xoktat?—Rom. 1:11, 12.

  • Porgottnnechea mittingek hajir zaiat. Porgottnnar tea khas sumanant chodd vantto gheunk teag kortat tednam sorkittachi dekhrekh korpeak urba melltta. (1Tes. 1:2, 3; 2:20) Sorkittachi bhett asta tea mhoineant, tumchean sahaiok pioneer mhunn kam korunk zata. Sorkittachi dekhrekh korpea sangata vo tache baile sangata porgottnnent vochonk vo tankam eka Bible obheasak vhoronk tumchean zatolem kai? Tankam veg-vegllea porgottnnara sangata kam korunk avoddtta. Zoxem, nove porgottnnar ani sevent titli kola naslole porgottnnar pasun asat.

  • Poramos korat. Tankam ravonk tumchem ghor diunk zatolem kai, vo tankam ek pavtt tori jevonn diunk zatolem kai? Oxem kelolean ami sorkittachi dekhrekh korpeacho ani tache bailecho mog kortat. Tanchea pasot vhoddlem-xem kelolem tankam naka.—Luk. 10:38-42.

  • To dita tem margdorxon ani sol’le aikon gheiat ani apnnaiat. Jehovachi seva ami anik bore toren koxi korunk zata tem sorkittachi dekhrekh korpi amkam mogan somzaita. Kednam-kednam taka khor sol’le pasun diunk poddot. (1Kor. 5:1-5) To sangta tem ami pallttat tednam ani khaltikai dakhoitat tednam, to khuxal zata.—Heb. 13:17.

  • Upkari asat mhunn sangat. Sorkittachi dekhrekh korpi ani tachi bail kortat tea vavracho tumkam kitlo faido zata tem tankam sangat. Tumi tankam utramnim vo boroun sangonk zata vo ek kardd pasun diunk zata.—Kol. 3:15.