Hem soddun content-ant vochat

Hem soddun table of contents-ant vochat

 AMCHEM KRISTI JIVIT

Khore Bhokte Pasot Holam vo Ghoram Bandunk ani Tancho Samball Korunk Amcho Soeg

Khore Bhokte Pasot Holam vo Ghoram Bandunk ani Tancho Samball Korunk Amcho Soeg

Israelachem mondir bandunk zaitem kam ani khorch korpachi goroz asli. Punn Israelitkaramnim hem bandkamachem kam borea urben kelem. (1 It. 29:2-9; 2 It. 6:7, 8) Mondir bandun zalea uprant, jea ritin tancheamnim tem mondir samballunk vavr kelo, tachea voilean tannim tankam Jehova Devacho mog asa vo nam tem dakhoun dilem. (2Raz. 22:3-6; 2 It. 28:24; 29:3) Aiz zaite Kristanv, Raj-ghoram ani Zomatichim Holam bandunk, tim nitoll dovrunk ani tim samballunk aplo khub vell ani sokot uzar kortat. Hea kamant vantto gheun ami Jehova Deva sangata kam kortat. Ho amkam ek vhodd soeg ani amchea povitr sevecho ek bhag zaun asa.—Sto. 127:1; Prok. 7:15.

HEA KAMANT VANTTO GHEUNK . . .

  • Dor eka mittinge uprant, tumchean Raj-ghor aslolem toxem veovostit dovrunk zata. Oxem korunk tumchea lagim ghoddona zalear, tumi bosloli tich suvat nitt dovrunk zata.

  • Sogle pavtt Raj-ghor nitoll dovrunk ani kitem-i moddlam zalear tem vella-vellar sarkem korunk tumchean bhag gheunk zata. Zaitim bhav-bhoinnam aslear, khuxalkai melltta ani toxench kamui sompem zata.—lv 92-93 ¶18.

  • Amchean poixancho adar diunk zata. Khuxe monan dilole, ‘unnea molache don nanne’ pasun Devak manvotat.—Mr. 12:41-44.

  • Tumchea lagim ghoddtta zalear, tumchean khore bhoktek lagon holam vo ghoram bandpachea kamant ani toxench tancher bodol korchea kamant vantto gheunk zata. Hea kamant vantto gheunk bandkamacho onubhov asop gorjechem nhoi.