Hem soddun content-ant vochat

Hem soddun table of contents-ant vochat

 AMCHEM KRISTI JIVIT

Devache Disona Tosle Gunn Tumkam Dixtti Poddttat Kai?

Devache Disona Tosle Gunn Tumkam Dixtti Poddttat Kai?

Tumi ek rongbhorit ful vo noketramnim nettlolem mollob polloitat tednam, vo udkachea ghosghoxeacho avaz aikotat tednam, tumkam Rochnnarachea hatanchem kam dixtti poddtta kai? Ami Jehovachi rochnna polloitat tednam amkam tache rochnnent tache gunn dison ietat. (Rom. 1:20) Ami amchea dolleamnim jem polloitat tea vixim chintunk vell ghetat tednam, amkam Devachi xokti, mog, zannvai, neai, ani toxench tacho udar kallzacho gunn dison ieta.—St. 104:24.

Dor disa tumkam Jehovachi khoinchi rochnna pollounk melltta? Tumi eka xarant ravtat zalear pasun tumkam suknnim ani zhaddam dixtti poddttat astolim. Jehovachea rochnnecher ami dhean ditat tednam, amche uske unne korunk, chodd gorjechea vixoi-ancher dhean dovrunk, ani sasnank amchi kallji gheunk Jehovak tank asa mhunn amcho bhavarth vaddounk modot zata. (Mt. 6:25-32) Tumkam bhurgim asat zalear, sor korunk zainant tosle Jehovache gunn zannam zaunk tankam modot korat. Amchea bhonvtonnim aslolea rochnnechi ami jitli tokhnnai kortolim, titlim ami Rochnnarachea lagim sortolim.—St. 8:3, 4.

OJAPACHI ROCHNNA DEVACHI MHOIMA DAKHOITA—UZVADD ANI RONG, HO VIDDEO POLLOIAT, ANI UPRANT SOKOL DILOLEA PROSNANCHE ZOBAB DIAT:

  • Amkam veg-veglle rong disonk karonn kitem?

  • Thodde rong ami veg-veglle zagea thaun polloitat tednam te veglle kiteak distat?

  • Mollbar amkam veg-veglle toreche rong kiteak dixtti poddttat?

  • Tunvem tujea ghora lagim rochnnent utton distat tosle khoinche rong polloileat?

  • Rochnnenk bariksannen pollounk ami vell kiteak kaddunk zai?

Uzvadd ani rong Jehovachea gunnam vixim kitem sangta?