1. Naan, bhalɩban palu faa a tɩgɩlɩɩ?

Min tɩgɩlɩnun a bhalɩban palu faa ji. Bhɛ a wɩnɛnnɛn ɲan léé Bhalɩ e bhɛ munun kʋ́ ye e vale ee wo manwɩ kla. Woo wɩɲannɛn ciɛrɩ klɛ bhalɩban palu tɔ ji. Naan, bhɛ e min ta vo drɔdrɔ. (2 Korɛnt munu 4:3, 4; 11:13-15) Wɩ zuofɩlɩ drɛnun a nangɔɔn-an léé bhalɩban palu cɩnun a e wɔralɩ gla man ciɛn wʋlɩ koo, min jɛlɩ koo, gulidanlɩ koo, nɛn ciɛnnɛnnun ta ɲannɛn palɩ koo, wo ji. Bhɛ zʋɛ wɩ kʋ́ bhɛ e Bhalɩ ji bhlipazan tɩgɩlɩnun ta vo drɔdrɔ!Matio 24:3-5, 11, 12 tafɩ.

De bhalɩban palu boin a Bhalɩ tɔ bhɔnan, te viebhalɩban palu a srɛ ji wɩ kla. Wɩnun le e ká Biblu ji lo, yɩɩ le wa paan munun ji, vie wɩ paalɩ ɲan Bhalɩ vale min galɩnun le wɩ ta wɩ ɲan. Naan, Zoova a va léé munun e wɩboin dɔɔ ele wɩ ta.Ézékiɛl 18:4; 1 Timoté 2:3-5 tafɩ.

2. Wɩnɛnnɛn káá ɛ cɩ bhalɩban palunun le wɩ taa?

Naan, wɩ ziin ɲan, bhalɩban palu le wa fe léé Bhalɩ sɔ wolɛ, dɔɔléé te Satan le tɛrɛla ɛ sɔ wolɛ wɩboin ɲan, wo ká bhɔa Bhalɩ dabhli klɛlɩ lɛ lo. (Jak 4:4) Bhalɩ Dere e viebhalɩban palu faa le wɩ fe bhele “ Babilɔn fla blɛn” zʋ. Babilɔn a yila fla le viebhalɩban palu pelisia a nan, Nowé bhleyi va lɛɛ blɛɛn dalɩ zuo a ɲan. Bhalɩban palu le ee dabhli kla e vale ee ɲannɛn paan bhlaminnun ta, Bhalɩ e daan a ze wɩ wuo dɔlɛ fiaa.Wegɔɔnle 17:1, 2, 5, 16, 17; 18:8 tafɩ.

Wɩnɛnnɛn taa a. Min tɩgɩlɩnun le wo cɩ viebhalɩban palunun ji tɛrɛ faa la, Zoova ji ká saanlɛ wo man lo. E a bhɛ munun kʋ́nun zɛn nan ecɩva wɩboin paalɩ ɲan wo ji.Misé 4:2, 5 tafɩ.

Bhalɩban palu boin a munun zɛn nan ecɩva.

 3. Mɛnwɩle e a léé min tɩgɩlɩnun a klɛɛ?

Munun le wɩboin vale wɩ ziin sɔ wolɛ, Zoova e wo man wɩ kla. Ee wo ɲrun-an e klɩklɩ léé wo dɔbɛ nɔnla ye wo sɔ e lɛ.Wegɔɔnle 18:4 tafɩ.

Lɛɛ yɔ soru vininzan ji, min tɩgɩlɩnun le wo wɩnɛnnɛn man nwunvɔzannun lée, wa ɲin si jinranlɩ ɲan. Wo tɛrɛla klɛ bɛ dɛrɛ draan Zoova va, tɛrɛla klɛ bɛ jinranlɩ ɲan te a bhlisɔlɛ wɩ dʋ vale a pala wɩ dʋ a. Wa cɔɔ wɩdanmanzan tɩgɩlɩnun ɲan káá ze ɲan, naan, wo wɩnɛnnɛn ɲin si Zoova plalɩ ɲan wole tɛrɛla ji wɩ vininzan ɲan.1 Tɛsalɔnik munu 1:8, 9; 2:13 tafɩ.

Munun le woo nwun zi dɔa viebhalɩban palu ta, Zoova e wo bɛn sie e banmunun gɔnnɔnla ji. De i Zoova le min laalɩ jinranlɩ ɲan ɲin si, i daan a va bée bhlɩlɩ koo, Zoova banmunun gɔnnɔnlamunun dɛrɛ le min sɔ wolɛ koo, e vale vʋlɩ e yuɛman le a glɛ ká lo, i daan wo yɩlɛ i ze ɲan.Maak 10:29, 30; 2 Korɛnt munu 6:17, 18 tafɩ.

4. Bɛ ká zʋle Bhalɩ e daan da lɛ jinranlɩ ɲan bɛntɛrɛ faa taa?

Viebhalɩban palu le wɩ bhlɩlɩ le e daan bhɔlɛ bhɛ, bhɛ́ a wɩnɛnnɛn dʋ ɲan. Bhɛ́ e daan tɛrɛ faa la munun tɔrɔpaalɛ yaalɩ min ta lee. Viebhalɩban palu ká daan bhlaminnun dabhli klɛlɩ vale wo kinin lɛ ecɩman mɔnnɔnmɔnnɔn e dɛrɛ lo. Munun le wo daan klɛ lɛ e yuɛman, wo daan zɛn lɛ ecɩva Bhalɩ boin dʋ kpein ɛ banlɩ ji.Wegɔɔnle 18:20, 21; 21:3, 4 tafɩ.