I bhɔale bhe zivɔ léé...

  • tuɔnun le sɛbhɛ léé?

  • fiin vɔ sɛbhɛ léé?

  • taa, Bhalɩ Dere léé?

 WƖ LE BIBLU A FE

‘Kaazanbhalɩ le sɛbhɛ faa si Kaazanbhalɩ va.’2 Timoté 3:16, Kazambale lé sɛbɛ sauunnu.

I BHƆALE I WƖAN YƖ

E bhɔa i va tɛrɛla wɩlaalɩ blɛnnun zivɔlɩnun ɲan.Wegɔnévɔlenu 2:1-5.

Ee zi weiin nangɔɔn-an i lɛ ile tɛrɛla ji.Lɛrɛvɔ Sɛbɛ 119:105.

Ee i bhli vo trɛtraman wɩ lɛ.Rom munu 15:4.

 KAA BHƆALE KAA PA BIBLU FƖWƖ TA KAA BHLI FAA ƝAAN?

Iin, kaa bhɔale kaa pa a ta wɩ gɔ yaa wɩ-i:

  • A ji wɩnun a dʋ ye e min jivuruan. Lɛɛ 1.600 e ta ji lee, min 40 zʋɛlɩ Biblu jɛ. Yɩɩ munun kʋ́, wo cɩnun ká wo cɩ vinin yɩ lɛ lo. Bhɛ faa man-oo, a ji wɩnun a dʋ ye e Bhalɩ le plalɩ min nwiin vale a tɔ bhɔa!

  • A ji sɛbhɛjɛmunun wo wɩboin fɩ. De wo flamunun klɩ gulidaanlɩ ji, bhleyi cɩ va, sɛbhɛjɛmunun ká a zuo fe lo. Biblu jɛmunun ká wo zʋ lo. Naan, bhɛnun boin koo, wo flamunun koo, wo wó sanlɩnun le wɩ zuo fe.2 Minwiinzannu lé Wesuofe Sɛbɛ 36:15, 16; Lɛrɛvɔ Sɛbɛ 51:3-6.

  • Biblu ji bhalɩlawɩfɩlɩnun lɛ e sɔɔan bhleyi faa va. Lɛɛ 200 lɛ, fla le wa laan Babilɔn bhɛ, Biblu a srɛlɩ le wɩ fɩ. (Ézai 13:17-22) Babilɔn srɛ bɛ koo, e vale min boin le e cɩ a suɲannun zilɛzan ɲan, Biblu bhɛ tɔ fɩ.Ézai 45:1-3.

    Biblu ji bhalɩlawɩfɩlɩnun ciɛrɩ lɛsɔɔ, wa fɩ fɛan zʋ té, a zʋ. Bhɛ a nangɔɔn-an kaa lɛ léé, kaa pa a ta lee Biblu a Bhalɩ Dere ɲan.2 Piɛri 1:21.

 I WUO JI BHƆRƆ WƖ KƲ́ TA

Bhalɩ Dere e bhɔale e bhɔ i va ile tɛrɛla ji káá?

Biblu e wɩlaalɩ kʋ́ zivɔa ÉZAI 48:17, 18 e vale 2 TIMOTÉ 3:16, 17 ji.