Ir ó contido

Ir ó menú secundario

Testemuñas de Xehová

Galego

Galería de fotos de Gran Bretaña (de xaneiro a agosto de 2015)

Galería de fotos de Gran Bretaña (de xaneiro a agosto de 2015)

As Testemuñas de Xehová de Gran Bretaña están trasladando a súa sucursal de Mill Hill (Londres) a uns setenta quilómetros ó leste, preto da cidade de Chelmsford (Essex). Entre xaneiro e agosto de 2015, os voluntarios prepararon as instalacións provisionais para cando comece a construción.

23 de xaneiro de 2015. Terreos da nova sucursal

Co permiso das autoridades locais, uns traballadores quitan as árbores caídas para facer sitio para o futuro complexo. Conseguiron rematar esta tarefa antes da tempada na que os paxaros fan os seus niños. Aproveitarán a madeira para a obra, e as serraduras para camiños peonís.

30 de xaneiro de 2015. Comedor das instalacións provisionais

Un electricista instala tomas de corrente para as pantallas nun hotel reconvertido en cociña e comedor. A través destas pantallas, os voluntarios de construción verán as reunións e outros programas, como a Adoración Matinal e o Estudo en Familia de La Atalaya.

23 de febreiro de 2015. Terreos da nova sucursal

Unhas traballadoras instalan unha cerca de seguridade que co tempo rodeará gran parte das obras. Como a zona é rural, tomáronse medidas para minimizar o impacto das obras na fauna local. Por exemplo, deixouse un espazo duns 20 centímetros por debaixo da cerca para non alterar a actividade nocturna dos teixos.

23 de febreiro de 2015. Terreos da nova sucursal

Construción dunha vía de acceso provisional para comunicar as vivendas provisionais coa zona das obras.

5 de marzo de 2015. Terreos da nova sucursal

Vista aérea na que aparece rematada a vía de acceso provisional. Como se pode ver arriba á dereita, esta vía de acceso chega ata a zona das obras. Embaixo á esquerda, os edificios convertidos en apartamentos para aloxar os traballadores. Os edificios de vivendas construíranse nos terreos contiguos.

20 de abril de 2015. Zona de vivendas provisionais

Un membro do Consello Reitor e outros representantes da sede central visitaron o equipo de construción. Esa semana retransmitiuse unha reunión a tódalas Salas de Reunións de Gran Bretaña e Irlanda, na que se anunciou que o concello de Chelmsford autorizara o inicio do proxecto o día anterior.

13 de maio de 2015. Instalacións provisionais

Uns traballadores instalan un sistema de protección de raíces entre dúas árbores. Este sistema especial comunica as instalacións provisionais principais coa zona das obras, e impide que o paso de maquinaria pesada dane as raíces das árbores.

21 de maio de 2015. Zona de vivendas provisionais

Membros do equipo de traballos previos fan unhas gabias para as vivendas provisionais. Ó fondo, vista das primeiras vivendas para os voluntarios de construción. En total, construíranse cincuenta módulos.

16 de xuño de 2015. Zona de vivendas provisionais

Un fontaneiro instala os tubos de auga dunha das vivendas provisionais.

16 de xuño de 2015. Zona de vivendas provisionais

Vista aérea das vivendas provisionais que xa se instalaron. En primeiro plano, os cimentos para o resto das vivendas. Abaixo á esquerda, instalacións provisionais cun comedor para os voluntarios. A sucursal vaise construír no terreo que aparece ó fondo.

16 de xuño de 2015. Zona de vivendas provisionais

Unha operaria empalma cable de fibra óptica na sala de telecomunicacións. Dende as primeiras fases do proxecto, é necesario dispoñer dunha rede de ordenadores e acceso a Internet para organizar tódalas actividades relacionadas coas obras, manter a comunicación con outras sucursais e coordinar os esforzos baixo a dirección da sede central.

6 de xullo de 2015. Terreos da nova sucursal

Un contratista fai medicións cun dispositivo GPS para determinar onde escavar os pozos de sondaxe. Os arqueólogos usarán estes pozos para facer un estudo da zona antes do comezo das obras. Aínda que en Chelmsford houbo asentamentos romanos, nesta primeira fase de estudo non se atoparon restos arqueolóxicos de interese en ningún dos 107 pozos escavados.

6 de xullo de 2015. Instalacións provisionais

Cortando a moldura dos marcos das portas. Algúns edificios das instalacións provisionais renováronse e convertéronse en talleres. Nesta zona tamén haberá oficinas provisionais e departamentos auxiliares.

6 de xullo de 2015. Instalacións provisionais

Cargando terra nun camión para utilizala como recheo.

7 de xullo de 2015. Terreos da nova sucursal

Vista aérea das 34 hectáreas de terreo. Aínda que non se mostra na imaxe, preto hai unha estrada principal que comunica cos portos, aeroportos e coa cidade de Londres.

23 de xullo de 2015. Terreos da nova sucursal

Os contratistas eliminan as estruturas existentes no lugar onde se construirá a nova sucursal.

20 de agosto de 2015. Instalacións provisionais

Un guindastre de 60 toneladas coloca unha das pezas dunha caseta de obra prefabricada. En primeiro plano, os cimentos para outras casetas de obra. Estas casetas servirán como oficinas para coordinar o proxecto.